Annan pasyans

Sa ki Zezi ti fer

VIDEO: Avek pasyans, Zezi i ed son bann frer

1. Get sa VIDEO oubyen lir Zan 7:​3-5 ek 1 Korentyen 15:​3, 4, 7. Apre reponn sa bann kestyon swivan:

1. Ki mannyer bann frer Zezi ti reazir anver son mesaz o konmansman?

2. Kwa ki montre ki Zezi ti kontinyen ed son frer, Zak?

Ki nou aprann avek Zezi?

2. Nou bezwen annan pasyans akoz serten dimoun i pran plis letan ki lezot pour aksepte sa bon nouvel.

Fer parey Zezi

3. Esey en lot metod. Si en dimoun pa aksepte en letid Labib deswit, pa fors li. Ler i apropriye, servi bann video ouswa bann lartik pour ed li konpran kwa ki pase dan en letid Labib e ki mannyer i pou benefisye.

4. Pa konpare. Sak dimoun i diferan. Si en manm fanmir oubyen en dimoun ki ou pe swiv son lentere i ezite pour etidye oubyen aksepte en lansennyman dan Labib, rode akoz i pa oule aksepte. Eski i annan en krwayans relizye ki vreman enportan pour li? Eski son bann fanmir oubyen vwazen pe met presyon lo li? Donn li letan pour reflesir lo sa ki ou’n dir e pour apresye sa ki Labib i dir.

5. Priy pour sa dimoun ki’n demontre lentere. Demann Zeova led pour ou reste pozitif e annan bon zizman. Demann Zeova pour ed ou konnen ler en dimoun pa enterese e ki ou devret aret swiv son lentere.—1 Kor. 9:26.