Eski Lanmour Krist i Tous Ou?
1 Kan lapot Zan ti pe reflesir lo lavi son Met, i ti ekrir: “Zezi, ki ti’n kontan bann ki pour li, ki ti dan lemonn, ti kontan zot ziska lafen.” (Zan 13:1) Pandan sa lepok Memoryal, nou bann panse i al pour sa pli gran ekspresyon lanmour Krist. Nou kapab montre ki sa lanmour i tous nou an egzersan lafwa dan ranson, an partisipan aktivman dan travay predikasyon e parey Zezi, an andiran “ziska lafen.”—Mat. 24:13; 28:19, 20; Zan 3:16.
2 Motive par Lanmour Krist: Zezi ti vreman aktif dan dernyen semenn son lavi teres. (Mat. 21:23; 23:1; 24:3) Koman bann imitater Krist, nou osi nou ganny pouse par lanmour pour ‘fer bann zefor entans’ dan servis Zeova. (Lik 13:24) Eski ou kapab profit bann laranzman siplemanter, pour en aktivite predikasyon spesyal diran Avril, an ogmantan letan ki ou dedye dan minister?
3 Sa lannen, Repa Sennyer i tonm Merkredi swar le 19 Avril. Konbyen ki pou prezan pour sa lokasyon enportan? Sa i pou depan en kantite lo nou. Eski ou’n fer en lalis sa bann ki ou’n plàn pour envite—ou bann etidyan Labib e lezot ki enterese, bann fanmiy, bann koleg travay, e bann zanmi lekol? Eski ou’n kontakte zot e anvoy en lenvitasyon senser? Eski ou pou rapel zot detrwa zour avan Memoryal? Eski zot bezwen ou lasistans pour ariv kot lasal? Bann ansyen pou osi envit nenport ki proklanmater inaktif dan minister. Lefe ki Memoryal i fer en zour swar dan lasemenn plito ki pandan wikenn, sa pa vedir ki i pa enportan pour tou asiste.
4 Vini byen Prepare: I esansyel pour nou prepare e annan en bon leta lespri kan nou asiste Memoryal. Pol ti demann bann konpanyon kretyen pour gard dan lespri lenportans sa lokasyon. (1 Kor. 11:20-26) Ou kapab lir sapit 13 a 17 dan Levanzil Zan pandan letid Labib an fanmiy e fer ki tou manm fanmiy i eksprimen ki mannyer sakrifis Zezi i tous li. Pa oubliye osi pour fer lektir Labib toulezour pour sa semenn Memoryal!
5 Nou lanmour pour Krist i al oprofon, e i pou al pli lwen ki le 19 Avril. Nou determinen pour demontre nou lanmour pour li, pour touzour! Sa lannen selebrasyon Memoryal pou ed nou pour ranforsi nou determinasyon.