Nouvo Progranm pour Zournen Lasanble Spesyal

‘Vin Adilt dan Zot Fakilte Konpreansyon’ i tenm progranm zournen lasanble spesyal ki konmans apartir Septanm 2000. (1 Kor. 14:20) Akoz i pou vreman enportan pour nou asiste? Nou pe viv dan en monn ki ranpli avek move keksoz. Pour reziste sa, nou bezwen devlop nou fakilte konpreansyon spirityel afen ki nou a kapab venk lemal par sa ki byen. Se sa ki progranm lasanble spesyal pou ed nou pour fer.

Dan sesyon louvertir, sirveyan rezyonal pou diskit “Led pour Vin Adilt dan Konpreansyon Biblik.” I pou montre nou konman pour vin stab dan lafwa Kretyen. Orater viziter pou met okler ki mannyer lizaz reel, oubyen laplikasyon, bann prensip Labib i esansyel dan devlopman persepsyon aktif, kan i pou koz lo tenm “Protez ou Spirityalite an Egzersan Ou Fakilte pour Persevwar.”

Bann zenn osi i bezwen devlop zot fakilte konpreansyon. Sa pou ganny diskite dan size “Akoz Fer konman Zanfan Konsernan sa ki Mal” ek “Bann Zenn ki Posed Konpreansyon La Konmela.” Zot pou tann bann zenn dir sa ki zot fer pour fortifye zot spirityelman afen ki zot kapab metriz nenport kiryozite lo bann aktivite sa monn mesan e evit problenm.

Ki mannyer nou kapab trouv pli gran boner dan lavi? Orater viziter pou eksplik sa dan diskour final “Benefis Kan Ou Aplik Prensip Labib Avek Konpreansyon.” I pou donn bann legzanp pour montre ki aplik Parol Bondye, i ed nou pour fer fas avek bann problenm, fer bann desizyon e vreman tir profi dan sa ki Zeova i ansenny nou.

Bann ki swete senboliz zot dedikasyon pour Bondye par batenm delo pour sa lasanble, i devret enform sirveyan prezidan oplivit posib. Dek ki dat pour lasanble spesyal i anonse, marke lo ou kalandriye e fer bann plan defini pour ou profit sa progranm ris. Pa mank okenn parti sa lasanble spesyal! I pou fortifye ou pour andir sa sistenm mesan e reste fidel avek Zeova.