Nouvo Progranm Zournen Lasanble Spesyal
1 Tandis ki medya ek bann edikater dan sa monn i glorifye larises materyel, Parol Bondye i ensiste ‘Ki nou Larises i konsist an bonn Aksyon.’ (1 Tim. 6:18) Sa i tenm pour zournen lasanble spesyal ki pou konmans an Septanm 2002. Ki lankourazman nou pou gannyen dan sa lasanble?
2 Sirveyan rezyonal pou diskite ki savedir “Vin ris dapre Pwennvi Bondye,” e i pou entervyou serten ki pe fer bokou zefor pour ganny larises spirityel. Dan son premye diskour pour lazournen, orater viziter pou montre konman pep Bondye pe akonplir “Bann Travay ekselan dan sa Letan Rekolt.” Sakenn ant nou pou ganny ankouraze pour konsider konman nou kapab partisip ankor pli plennman dan travay rekolt ki’n ganny ordonnen par Bondye ki pe ganny akonplir ozordi.
3 Konman nou fyer kan nou vwar bann zenn Kretyen pe pourswiv bann larises spirityel! Sa i glorifye Zeova e i ed bann zenn pour poz en bon fondasyon pour plis privilez dan servis Zeova. Sa parti “Konsey bann Zenn pour loue Zeova par bann Travay ekselan.” pou fer resorti bann travay ekselan ki bann zenn Kretyen pe akonplir lokalman.
4 Ki rezilta kan nou pourswiv bann travay ekselan? Orater viziter pou diskit sa dan son dernyen diskour, “Kontinyen fer bann Travay ekselan e rekolte Benediksyon Zeova.” I pou konsider kat domenn kot nou rekolte benediksyon ris: (1) konman en endividi, (2) konman en fanmiy, (3) konman en kongregasyon, e (4) konman en lorganizasyon mondyal.
5 Bann ki’n fer en dedikasyon avek Zeova pou ganny sa loportinite pour batize. Si ou’n pare pour fer sa pa, les sirveyan prezidan konnen deswit.
6 Kan dat lasanble i ganny anonse pour ou rezyon, pa tarde pour fer bann plan presi pour ou kapab asiste. Fer tou ou posib pour ariv boner pour kapab partisip dan kantik ek lapriyer. Prezan e atantif pour zournen lasanble spesyal an antye pou fortifye nou pour kontinyen pourswiv en semen ki fer nou vreman ris dapre pwennvi nou Bondye, Zeova.