“Manze kan i ler”
1. Ki mannyer sa lasanble spesyal ki ti fer dernyen fwa in ed ou ek lezot?
1 Apre ki nou’n asiste nou lasanble spesyal, souvandfwa nou kontan dir: “Sanmenm sa ki nou ti bezwen!” En sirveyan rezyonal ti dir ki apre ki serten dan sa rezyon ki i ti pe vizite ti’n asiste sa lasanble, zot ti eksprim zot dezir pour fer plis dan predikasyon. En lot sirveyan ti dir: “I’n ed nou pour vreman reflesir konsernan sa letan ki nou pe viv ladan anmezir nou re egzamin nou bann swa dan lavi.” Ankor en lot sirveyan ti dir: “Detrwa proklanmater in eksprim zot par dir ki sa ti en rapel byen kler pour fer sir ki zot konsantre lo sa ki pli enportan, predikasyon.” Ki mannyer lasanble spesyal in ed ou?
2. Ki nou pou egzaminen dan prosen lasanble spesyal?
2 Pareyman, progranm pour sa nouvo lannen servis pou zisteman sa ki nou bezwen. Son tenm ki ganny tire dan Psonm 118:8, 9 i “Pran refiz dan Zeova.” La serten size ki pou ganny devlope: “Fason Zeova i protez nou dan letan ladetres,” “Ed lezot pran refiz anba lezel Zeova,” “Imit Zeova dan lafason ki i fourni refiz,” “Zenn, met ou konfyans dan Zeova” ek “Paradi spirityel—en refiz ki Zeova i donn nou.”
3. Ki mannyer nou kapab benefisye o maksimonm kan nou asiste lasanble?
3 Ki mannyer pour tir byenfe: Osito ki dat i ganny anonse, fer laranzman pour ou kapab asiste sa lasanble e envit ou etidyan Labib pour asiste avek ou. Pour nou “prodwi bokou fri” avek perseverans, nou bezwen rapel sa ki nou tande. (Lik 8:15) Alor ekout progranm atantivman e pran not lo bann pwen prensipal ek lenstriksyon ki ou anvi aplike dan ou lavi ek ou minister. Pran letan apre lasanble pour diskit progranm ki’n deroule an fanmir e reflesir lo bann fason spesifik ki ou ek ou fanmir i kapab aplik sa bann lenformasyon.
4. Akoz nou devret esper nou lasanble spesyal avek enpasyans?
4 Parey en pla byen goute e byen ris, lasanble spesyal sa lannen in ganny prepare avek bokou lanmour ek refleksyon. Ki Zeova i beni zefor ki zot fer pour asiste e pour benefisye avek sa “manze” ki’n ganny prepare pour nouri bann minis Kretyen “kan i ler.”—Mat. 24:45.