Nouvo Progranm Lasanble spesyal

Omoman ki zot ti ganny lespri sen, bann premye Kretyen ti fer tou sa ki zot kapab pour partaz sa bon nouvel avek tou dimoun. (Akt 1:8; Kol. 1:23) Sa lasanble spesyal pour 2007, “Toultan reste okipe pour pres Laparol,” pou ed nou imit zot tre bon legzanp.—Akt 18:5.

Kan i ti pe koz lo parol Bondye, Lerwa David ti dir: “Rapel Zeova i diny konfyans, i fer sa ki napa leksperyans saz.” Sa progranm ki’n ganny byen prepare pour sa lasanble spesyal 2007, pou met lanfaz lo valer ki Labib i annan pour “remet drwat” keksoz. I pou osi ankouraz nou pour servi Parol Bondye pour pres e ansenny dan en fason ki montre nou konsyan ki letan i kourt. (2 Tim. 3:16, 17) Sa nouvo progranm pou montre nou konman nou kapab aplik bann prensip Labib dan nou lavi toulezour pour ki nou kapab evit bann danze e ganny bann byenfe. I pou osi ed nou pour servi Parol Bondye pour ed bann zenn ek bann nouvo progrese spirityelman.

Fer sir ki ou la ler progranm i konmanse e ekout atantivman. Pran not lo bann pwen ki ou kapab aplike dan ou lavi. Montre lapresyasyon pour sa bann rapel ki ou’n gannyen e reflesir konman ou kapab met zot an pratik.

Nou lasanble spesyal pou ogmant nou lapresyasyon pour Parol Bondye e i pou rapel nou pour kontinyen pres sa bon nouvel Rwayonm avek devouman. I pou osi montre nou konman nou kapab ed lezot pour fer parey. Alors annou determinen pour pa mank okenn sa bann lenstriksyon ki Zeova i fourni dan sa fason!—Iza. 30:20b, 21.