Depan lo Zeova pour ganny Lafors
1 Nou bezwen depan lo Zeova pour plizyer rezon. Pres sa bon nouvel “partou dan lemonn” i en latas difisil. (Mat. 24:14) Nou pe konstaman lit avek nou laser enparfe. (Rom. 7:21-23) Deplis, ‘nou pe lit . . . kont pouvwar dan lemonn teneb.’ (Efe. 6:11, 12) I evidan ki nou bezwen led. Konman Zeova i kapab donn nou son lafors?
2 Par Lapriyer: Zeova i volonterman donn son lespri sen son bann serviter ki demann li. (Lik 11:13) Eski ou mank konfyans dan ou abilite pour rann temwannyaz port-an-port, lo semen, oubyen par telefonn? Eski ou kanmi pour rann temwannyaz enformelman? Eski ou zel in diminyen akoz dimoun pa enterese dan ou teritwar? Ki pou arive si ou ganny met anba presyon pour fer konpromi ou lafwa oubyen lentegrite? Depan lo Zeova. Priy li pour ou ganny lafors.—Fili. 4:13.
3 Par Letid personnel: Zis parey nou ganny lafors par manz nouritir fizik, alor nou ganny fortifye spirityelman par nouri regilyerman lo Parol Bondye e lo bann piblikasyon fourni par “lesklav fidel e pridan.” (Mat. 4:4; 24:45, NW ) Kan i ti ganny demande kwa ki’n donn li lafors pour andir en kantite lannen dan en prizon Lasin san en Labib, Stanley Jones ti dir: “Nou kapab reste ferm dan lafwa. Byensir, nou bezwen premyerman etidye. Nou pou napa lafors enteryer si nou pa etidye.”
4 Par asiste Renyon: Pandan en renyon Kretyen dan premye syek, Zida ek Silas “ti koz lontan avek bann frer pour ankouraz zot e fortifye zot.” (Akt 15:32) Pareyman ozordi, sa ki nou tande pandan bann renyon i ogmant nou lapresyasyon pour Zeova, batir nou lafwa, e motiv nou dan minister. Bann renyon i fer nou reste an kontak avek bann “konpanyon travay pour rwayonm Bondye,” ki nou “led fortifyan.”—Kol. 4:11, NW.
5 Nou bezwen led dan sa “letan difisil.” (2 Tim. 3:1) Pour bann ki rod lafors avek Zeova, nou ganny sa lasirans ki “zot pou leve avek lezel parey bann leg. Zot pou taye e pa pou abandonnen; zot pou marse e pa pou epize.”—Iza. 40:31.