Benediksyon ki nou gannyen par demontre lapresyasyon pour Lanmour Zeova—Premye Parti
1 Zapot Zan ti ekrir: “Nou, nou kontan akoz [Zeova] in kontan nou an premye.” (1 Zan 4:19) Kan nou mazin tou sa ki Zeova in donn nou, nou ganny motive pour demontre nou lapresyasyon profon an retour. Zezi in etabli legzanp an fezan sa, par lobeisans i’n temwanny konsernan non ek Rwayonm Bondye. (Zan 14:31) I ti a byen si nou egzamin serten fason ki nou kapab demontre nou lapresyasyon pour lanmour Zeova ek bann benediksyon ki i anmennen.
2 Al port-an-port: Zezi ti ansenny son bann disip konman pour fer sa travay predikasyon Rwayonm. Son bann lenstriksyon i klerman endike ki zot ti al port-an-port, e fann sa bon nouvel. (Lik 9:1-6; 10:1-7) Nou bezwen annan lanmour pour Bondye ek nou prosen pour nou kontinyen al port-an-port kan nou fer fas avek lendiferans ek lopozisyon. Toutfwa, kan nou al port-an-port, nou benefisye personnelman akoz nou lafwa i vin pli ferm, nou konviksyon i vin pli for, e nou lespwar i vin pli kler.
3 Par travay anba gidans bann lanz, nou’n trouv en kantite ki lafen e swaf laverite. (Rev. 14:6) Bann dimoun in dir ki omoman ki zot ti pe priy pour led en Temwen ti ariv devan zot laport. De ser ek en pti zanfan ti pe pres port-an-port lo en zil Karaib. Kan sa de ser ti deside pour aret prese e retourn dan lakour sa zour, sa pti zanfan ti al li tousel kot sa lot lakaz e i ti tap laport. En zenn madanm ti ouver laport. Kan sa de ser ti vwar sa, zot ti al koz avek sa madanm. Sa madanm ti envit zot anndan e eksplik zot ki i ti pe priy Bondye pour anvoy bann Temwen pour ansenny li Labib!
4 Rann Temwannyaz lo Semen: Lefe ki dan serten landrwa i vreman difisil pour trouv bann dimoun kot zot lakour, rann temwannyaz lo semen i en fason efikas pour donn dimoun en temwannyaz. Deplis, bokou dimoun i viv dan bann rezidans ki fermen avek piblik oubyen dan bann batiman ki ekipe avek sekirite kot nou pa kapab pres port-an-port. Toutfwa, nou lapresyasyon pour lanmour Zeova i motiv nou pour profit tou bann mwayen posib pour kontakte bann dimoun avek sa mesaz Rwayonm, enkli rann temwannyaz lo semen.—Prov. 1:20, 21.
5 Fer Retourn Vizit: Parski nou pe resers bann ki “konsyan zot bezwen spirityel,” nou oule fer sa ki nou kapab pour satisfer sa bezwen. (Mat. 5:3, NW ) Dan sa ka nou bezwen retournen pour aroz bann legren laverite ki nou’n plante. (1 Kor. 3:6-8) En ser an Lostrali ti donn en trak en madanm ki pa ti paret demontre tro gran lentere. Kantmenm sa, sa ser ti persiste pour esey trouv sa madanm kot li ankor. Kan i ti finalman kontakte sa madanm, sa ser ti dekouver ki apre sa premye vizit, sa madanm ti’n aste en Labib ser. Sa ser ti konmans en letid avek li!
6 Kondwir bann Letid Labib: Sa i kapab en laspe pli agreab e satisfezan dan nou minister. Pa i en benediksyon pour ed dimoun pour aprann lo Zeova, pour vwar zot fer bann sanzman dan zot lavi pour fer li plezir, e apre pour temwanny zot batenm Kretyen an senbol zot dedikasyon avek Bondye!—1 Tesa. 2:20; 3 Zan 4.
7 Dan sa prosen lartik, nou pou konsider plis fason dan ki nou ganny beni pour demontre lapresyasyon pour lanmour Zeova.