Kwen Kestyon

◼ Akoz i neseser pour fer atansyon ler nou pe rann temwannyaz par let?

Donn en temwannyaz par let i en metod ki’n ganny prouve efikas pour partaz sa bon nouvel. Sepandan, akoz bann levennman ki’n fek arive dan lemonn, dimoun i pli ezite pour ouver bann let ki zot pa familye avek. Zot kapab pa tro fye bann lanvlop ki zot pa konnen kote i sorti oubyen ki napa en ladres par deryer, sirtou si zot ladres in ganny ekri avek bolpenn e sa lanvlop i gro. Zot kapab zet bann lanvlop san ki zot ouver. Konman ki nou kapab anpes sa arive?

Si i posib, sa let ek lanvlop i devret ganny tipe. Sa dimoun i devret ganny adrese par son non lo sa lanvlop. Pa adres li konman “Met lakour.” Deplis, toultan fourni en ladres ki sa dimoun i kapab servi pour reponn. Si i pa saz pour ekri ou ladres personnel, donn ou non ek ladres Lasal Rwayonm. Pa anvoy bann let ki sa dimoun pa konnen kote i sorti. Pa zanmen servi ladres biro brans.—Vwar Kwen Kestyon dan Nou Minister Rwayonm Novanm 1996.

Pour plis sizesyon ek legzanp en let, vwar liv Benefisye atraver Lekol Minister Teokratik paz 71-3. Sa bann konsey pou ed nou pour servi let dan en fason efikas pour kominik sa bon nouvel avek lezot dimoun.