Nouvo Progranm Lasanble rezyonal
1 Pour kapab reste ferm dan lafwa dan sa lemonn enstab, nou bezwen met nou konfyans dan Zeova. Ki mannyer nou kapab demontre sa konfyans dan lavi toulezour? Konman met nou konfyans dan Zeova i afekte nou lavi personnel e lavi fanmiy? Konman sa i ed nou pour reziste lenfliyans lemonn Satan? Progranm lasanble rezyonal pour lannen servis 2003 i reponn sa bann kestyon. Son tenm i “Met ou Konfyans dan Zeova e fer sa ki byen.”—Ps. 37:3.
2 Nou pa met konfyans dan Zeova zis dan bann lokazyon spesyal oubyen letan nou rankontre problenm. I devret evidan dan nou lavi toulezour. Sa premye diskour, “Met ou Konfyans dan Zeova toultan” i met lanfaz lo sa. (Ps. 62:8) Sa diskour an kat parti “Demontre ou Konfyans dan Zeova” pou montre nou konman pour aplik bann lenformasyon baze lo Labib ki pou ed nou reisi dan lavi maryaz, pour tret bann problenm ki kapab arive dan fanmiy, e pour satisfer nou bann bezwen materyel.
3 Lemonn Satan i esey enpoz en pwennvi deformen lo nou konsernan sa ki byen e sa ki mal e kree konfizyon konsernan sa ki enportan e pa enportan. (Iza. 5:20) Diskour “Met nou an gard kont bann Vanite dan Lavi” e “Rezet Lemal—Pratik sa ki byen” pou ranforsi nou determinasyon pour mentenir bann standar eleve Zeova.—Amos 5:14.
4 Kan Zeova i anmenn en lafen avek sa sistenm mesan, bann serviter Bondye pou bezwen met zot konfyans total dan li. Diskour piblik, “Delivrans avek Soufrans Lemonn i pros” pou eklersi sa. Apre sa, nou pou ganny envite pour egzamin nou menm endividyelman atraver sa diskour “Eski ou merit Rwayonm Bondye?” Progranm i termin avek en konsey pour “Met Konfyans dan bann Promes Zeova.”
5 En pwen for dan tou lasanble i diskour batenm. Okenn dimoun ki anvi batize i devret dir avek sirveyan prezidan osito posib pour ki laranzman neseser i ganny fer.
6 Dan sa bann letan enserten, Zeova i sa sel vre sours konfyans ek stabilite. (Ps. 118:8, 9) Annou ranforsi nou lafwa dan li par prezan pour sa progranm antye lasanble rezyonal.