Nouvo Progranm pour Lasanble Rezyonal

Nou konnen ki Bondye i merit nou lanmour ek nou latasman eksklizif. Toutfwa, lemonn pe esey persyad nou pour abandonn nou relasyon entim avek Li. (Zan 17:14) Afen ki nou ranforsi nou lanmour pour Zeova e fortifye nou pour reziste bann keksoz dan lemonn ki met nou spirityalite an danze, nouvo progranm lasanble rezyonal pour lannen servis 2001, pou annan pour tenm “Kontan Bondye—Pa bann Keksoz Lemonn.”—1 Zan 2:15-17.

Lanmour profon pour Zeova i pous nou pour donn en temwannyaz lo li. Kantmenm sa, predikasyon pa fasil pour bokou ki form parti pep Bondye. Dan sa parti “Lanmour pour Bondye i Motiv Nou dan Nou Minister,” ou pou aprann konman bokou in sirmont timidite ek lezot lobstak pour ki zot arive partisip plennman dan sa travay.

Ki mannyer bann standar degradan sa monn i enfliyans nou? Bann aksyon ki ti otrefwa ganny konsidere mal, i aprezan bann kondwit swadizan normal. Diskour “Sa Ki Kontan Zeova Ay Sa Ki Mal” ek en diskour an plizyer parti “Bann Keksoz dan Lemonn—Konman Nou Konsider Zot?” pou ranforsi nou determinasyon pour dir non avek bann move dezir.

En model Lekol Minister Teokratik ek Renyon Servis, ensi ki en rezimen Letid La Tour de Garde, pou ganny enkli dan progranm. Diskour piblik, “Ki Mannyer Lanmour ek Lafwa i Konkerir Lemonn,” pou ankouraz nou pour imit Zezi an rezistan bann presyon lemonn. (Zan 16:33) Fer sir ou envit ou bann letid Labib pour asiste. Tou bann ki anvi batize i devret enform sirveyan prezidan oplivit posib pour ki bann laranzman neseser i ganny fer.

Sa lasanble rezyonal, pou port nou latansyon lo kote egzakteman nou lanmour i devret santre afen ki nou a rezwir bann benediksyon ris Zeova. Pa mank nanryen!