En Lekol ki ekip nou pour sa ki pli enportan dan Lavi
1 Dimoun i al lekol pour ganny lenstriksyon ki pou ed zot akonpli zot lobzektif dan lavi. Me eski i annan en lobzektif ki pli enportan ki loue Sours lavi li menm e ed lezot aprann son plan ek son bann fason? Napa. Lobzektif Lekol Minister Teokratik se pour prepar nou pour ansenny nou lafwa avek lezot. Alor, ler nou asiste lekol sak semenn, nou pe ganny bann abilite ki ekip nou pour aktivite pli enportan dan lavi.
2 “Progranm Lekol Minister Teokratik pour 2003” ti ganny fourni dan Nou Minister Rwayonm mwan pase. Progranm ti enkli bann detay lo ki mannyer lekol pou deroule. Petet ou pou vwar li itil pour kit ou progranm dan ou liv Benefisye atraver Ledikasyon Lekol Minister Teokratik, ki ou devret anmenn avek ou sak semenn pour Lekol Minister Teokratik. Konsider detrwa laspe Lekol Minister Teokratik pour 2003.
3 Pwen Lansennyman: Konmansman Zanvye, sak renyon pour lekol pou konmans avek en diskour senk minit lo en pwen lansennyman oubyen en laspe lektir, etidye, oubyen ansennyen. Sirveyan lekol pou prezant sa bann diskisyon, ouswa i kapab demann en lot ansyen kalifye pour donn sa diskour. Sa orater i kapab diskit definisyon ek lenportans sa pwen lansennyman. Apre i devret elabor lo sa lenformasyon par diskit bann legzanp biblik e demontre konman pour servi sa pwen. I devret sirtou met lanfaz lo konman ki met an pratik sa pwen pour amelyor nou minister.
4 Ekspoze No. 1: Parey avan, bann frer ki ganny dezinyen pour prezant diskour lenstriksyon i ganny konseye pour “konsantre lo valer pratik sa lenformasyon ki pe ganny diskite.” Sa i vedir ki zot devret montre kongregasyon ki mannyer pour aplik sa lenformasyon. Si ou resevwar sa ekspoze, vwar paz 48-9 dan liv Lekol Minister pour bann sizesyon lo ki mannyer pour prepare, e etidye sa bann referans ki annan dan lendeks sa liv anba “Laplikasyon pratik.”
5 Progranm Lektir Labib: Si, dan lepase, ou pa’n kapab swiv progranm Lektir Labib lasemenn, akoz ou pa determinen pour fer li sa lannen? Sa bann ki fer li pou konplet Lekritir Grek Kretyen lafen lannen. Lo paz 10, paragraf 4, dan liv Lekol Minister i mansyonn bann benefis pour konmans en progranm lir Labib avek Lekritir Grek Kretyen.
6 Pwen biblik enteresan: Sa parti i aprezan dir pour 10 minit afen ki lodyans i kapab ofer bann komanter lo lektir lasemenn. Sa bann ki ganny dezinyen i devret reste dan limit letan. I pou ganny prezante tou le semenn, enkli semenn revizyon oral. Anmezir ki ou lir bann sapit ki’n ganny dezinyen, rod bann pwen ki pou benefisye ou dan letid fanmiy, dan ou minister, oubyen dan ou fason viv. Ki bann kalite Zeova ki ti evidan dan son fason azir avek bann dimoun ek nasyon? Ki ou ti aprann ki ti fortifye ou lafwa e batir ou lapresyasyon pour Zeova? Pa ezite pour fer komanter lo nenport pwen dan sa bann sapit, menm lo bann verse ki pou ganny lir dan Ekspoze No. 2, vi ki sa frer ki pou lir pa pou fer komanter lo sa bann verse.
7 Ekspoze No. 2: Premye ekspoze zelev sak semenn i pou en legzersis dan lektir piblik. Tou lektir eksepte sa enn dernyen pour sak mwan pou ganny retire dan lektir Labib lasemenn. Dernyen lektir pour lemwan pou ganny retire dan Latour Veyer. Sa zelev i devret lir sa lenformasyon dezinyen san ki i fer en lentrodiksyon oubyen en konklizyon. Dan sa fason, i pou kapab konsantre son latansyon zis lo son abilite pour lir.—1 Tim. 4:13.
8 Ekspoze No. 3 ek No. 4: Pa tou ekspoze ki ganny menm kantite lenformasyon dan liv Comment raisonner; serten menm, i annan zis en tenm. Bann zelev ki resevwar ekspoze ki napa bokou lenformasyon oubyen annan zis en tenm pou ganny loportinite pour devlop zot prezantasyon par fer resers dan bann piblikasyon Kretyen. Sa i kapab fer li pli fasil pour bann ser adapte zot komanter avek zot asistan.
9 Senn: Parey i’n ganny endike lo paz 45 dan liv Lekol Minister, sirveyan lekol i kapab deziny en senn. Si i pa fer li, alor bann ser i kapab swazir en senn dan lalis lo paz 82. Si en ser i fer en ekspoze tou le de mwan, i pou pran li senk an pour servi 30. Bann ser ki swazir No. 30, “Lezot senn ki apropriye avek ou teritwar,” i devret ekrir sa senn anba oubyen deryer zot papye ekspoze (S-89). Sirveyan lekol pou ekrir dat ekspoze sa zelev lo paz 82 dan son liv akote senn ki i’n servi. I kapab fer sa anmenmtan ki i mark form konsey sa zelev.
10 Form konsey: Ou form konsey i dan ou liv. I lo paz 79-81. Alor, ou pou bezwen donn ou liv avek sirveyan lekol apre sak ekspoze ki ou fer. Sa sirveyan lekol pou bezwen gard en rikord bann pwen ki bann zelev pe travay lo la.
11 Revizyon oral: Revizyon Lekol Minister Teokratik pou ganny fer oralman. I pou ganny fer tou le de mwan e i pou dir pour 30 minit. Bann kestyon ki pou ganny konsidere pandan revizyon pou kontinyen aparet dan Nou Minister Rwayonm. Si revizyon oral i kwensid avek lasanble rezyonal oubyen vizit sirveyan rezyonal, alor bann ekspoze pour sa semenn answit i devret ganny donnen en semenn pli boner e revizyon oral i devret ganny fer son semenn answit.
12 Bann Lekol siplemanter: Dan bann kongregasyon ki annan plis ki 50 zelev, bann ansyen i kapab konsider form en dezyenm lekol. “Sa laranzman i kapab ganny servi pour tou bann prezantasyon ki ganny fer par bann zelev oubyen pour zis sa de dernyen ekspoze.” (Lekol Minister, p. 285) Sa dernyen sizesyon in ganny fer pour bann kongregasyon ki annan en kantite ser me zis en pti gin frer pour fer Ekspoze No. 2. Bann ansyen i devret swazir bann frer kalifye pour kondwir sa bann lekol.
13 Asistan Konseye: Parey i’n ganny endike dan progranm Lekol Minister Teokratik, konsey ansyen i devret swazir en asistan konseye pour ofer konsey an prive avek bann ansyen ek asistan ministeryel ki prezant pwen biblik enteresan ek diskour lenstriksyon. Sa frer ki ganny swazir pour fer sa, i devret eksperyanse, enn ki lezot ansyen pou respekte son konsey. Son konsey i devret konstriktif, felisit bann bon abilite ansennyen e fer resorti enn oubyen de pwen pour amelyore. Pour en frer ki koz souvan pa fodre ofer li konsey apre sak diskour ki i fer. Me, sa frer ki ganny swazir pour donn konsey i devret rekonnet e konpran ki menm bann frer ki pe prezant bann diskour piblik i kapab ganny ede pour fer plis progre.—1 Tim. 4:15.
14 Sa ki i bezwen veye: Kwa ki kapab ed en konseye pour analiz en prezantasyon? Sa trwazyenm bwat dan laplipar sa 53 sapit ki annan nimero dan liv Lekol Minister i kontyen en rezimen bref lo ki i pou veye. Sa sirveyan lekol i devret osi port latansyon lo lezot rapel oubyen sizesyon ki trouve dan liv ki pou ed li evalye rapidman si en prezantasyon i vreman lozik e efikas. Par egzanp, remark sa seri kestyon anler lo paz 55 ek bann lide dan dernyen paragraf lo paz 163.
15 Ranpli Lespas vid: Apard ki son gran lespas vid lo kote sak paz, sa liv Lekol Minister i annan plizyer lespas vid pour ou ekrir bann not pandan ou letid personnel e ler ou asiste Lekol Minister Teokratik. (Vwar paz 77, 92, 165, 243, 246, ek 250.) Fer sir ki ou anmenn ou liv avek ou sak semenn. Swiv dan ou liv ler sa frer i koz lo Pwen Lansennyman. Kit ou liv ouver pandan larestan lekol. Not bann sizesyon ki sirveyan lekol i fer. Obzerv byen bann metod ansennyen, kestyon, legzanp, lekspresyon senbolik, legzanp, led vizyel ek bann konparezon ki sa orater i servi. Par pran bann bon not, ou pou kapab rapel e servi sa bann bon pwen ki ou’n ramase pandan lekol.
16 Zezi ti konnen ki pres sa bon nouvel Rwayonm Bondye i pli gran privilez ki en dimoun i kapab ganny ofer. I ti son travay prensipal. (Mark 1:38) I ti dir: “Mon bezwen anons Bonn Nouvel konsernan Rwayonm Bondye . . . parski se pour sa, ki Bondye in anvoy mwan.” (Lik 4:43) Konman bann ki’n aksepte sa lenvitasyon pour swiv li, nou osi nou tre okipe avek pres sa bon nouvel. E nou pe toultan esey amelyor fason ki nou “loue son non par nou labous.” (Ebr. 13:15) Pour kapab akonpli sa lobzektif, annou determinen pour partisip regilyerman dan Lekol Minister Teokratik, en lekol ki pou ed nou pour prepar pour sa ki pli enportan dan lavi.