Lekol Minister Teokratik pour 2004
1 Zeova i prepar bann senp dimoun pour akonpli en travay ki enportan pour lemonn antye. En fason ki i fer sa se atraver formasyon ki ganny donnen sak semenn dan Lekol Minister Teokratik. Eski ou pe partisip plennman dapre ou sirkonstans? Enn de sanzman pou pran lefe Zanvye 2004 pour ed bann etidyan benefisye avek sa laranzman.
2 Rotasyon Asistan Konseye: Bann frer ki fer diskour lenstriksyon ek pwen biblik enteresan in apresye bann remark ki asistan konseye in fer. Dan bann kongregasyon ki annan ase ansyen kalifye, sa frer ki ganny swazir pour vin asistan konseye i kapab ganny sanze tou le zan. Dan sa fason, responsabilite i kapab ganny partaze. Me pli enportan, bann ansyen ek bann asistan ministeryel kalifye pou benefisye avek leksperyans diferan orater ek ansennyan kalifye.
3 Progranm Revizyon oral: Si ou kongregasyon i annan en lasanble rezyonal dan en semenn ki sipoze annan revizyon oral, sa revizyon (ek larestan progranm lasemenn) i devret ganny anvoye pour semenn apre lasanble. Progranm ki ti sipoze pour semenn apre lasanble i devret ganny fer pandan sa semenn lasanble. Me i pa neseser pour esanz progranm antye pour de semenn ler revizyon oral i kwensid avek vizit sirveyan rezyonal. Okontrer, kantik, pwen lansennyman, ek pwen biblik enteresan i devret ganny prezante parey i’n ganny progranmen. Diskour lenstriksyon (ki ganny donnen apre pwen lansennyman) i devret ganny pran lo progranm sa semenn ki swiv. Pwen biblik enteresan pou swiv par en demi er-d-tan Renyon Servis. Renyon Servis i kapab ganny aranze dan trwa parti 10 minit ouswa de parti 15 minit. (Lanons pa devret ganny fer.) Apre Renyon Servis pou annan en kantik ek en demi er-d-tan progranm par sirveyan rezyonal. Lekol Minister Teokratik pour semenn answit pou kontinyen avek pwen lansennyman ek pwen biblik enteresan parey i’n ganny progranmen, swivi par revizyon oral.
4 Profit sak loportinite pour progrese spirityelman. Anmenmtan ki ou benefisye avek ledikasyon Lekol Minister Teokratik, ou ankouraz ou kongregasyon, ou zwe en rol dan lakonplisman profesi Labib, e ou loue Loter sa mesaz merveye ki nou devret anonse.—Iza. 32:3, 4; Rev. 9:19.