Nouvo progranm renyon
1, 2. Ki sanzman ki pou pran plas dan nou bann renyon apartir Zanvye 2009?
1 En lanons eksitan ti ganny fer pour tou bann frer ek ser dan lemonn antye semenn le 21-27 Avril 2008. “Konmansman le 1 Zanvye 2009, Letid Liv pou ganny fer menm zour avek Lekol Minister Teokratik ek Renyon Servis. Letid liv pou ganny apele Letid Labib Kongregasyon.”
2 Progranm renyon pour lasemenn: An tou, bann renyon enkli kantik ek lapriyer pou dir pour 1 erdtan 45 minit. Renyon pou konmans avek kantik ek lapriyer (5 min.) e pour swiv par Letid Labib Kongregasyon (25 min.). Lekol Minister Teokratik (30 min.) pou swiv deswit apre. Apre, pou annan en kantik (5 min.) pour entrodwir Renyon Servis (35 min.). Renyon pou terminen avek en kantik ek lapriyer (5 min.). Pour ed ou prepar pour Letid Labib Kongregasyon, Lekol Minister Teokratik ek Renyon Servis, progranm pou ganny mete dan Nou Minister Rwayonm tou le mwan.
3. Ki mannyer Letid Labib Kongregasyon pou ganny kondwir?
3 Letid Labib Kongregasyon: Sa renyon pou ganny fer parey letid Latour Veyer. Pa bezwen fer revizyon pour sa ki ti ganny fer son semenn avan. Me plito, renyon i devret annan en lentrodiksyon vreman bref. Sa pou permet ki tou ki prezan pou kapab ganny sifizaman letan pour fer bann komanter bref. Sirveyan prezidan pou deziny bann ansyen pour ki sak semenn en diferan ansyen i kondwir sa renyon.
4. Ki sanzman pou annan dan Renyon Servis?
4 Renyon Servis: Renyon Servis pou reste parey me son bann diferan parti pou pli kourt. Lanons pou pran 5 minit. Sa pou fer ki i pou annan ase letan pour bann lanons enportan ek serten let sorti kot biro brans. Bann lanons ki abitye ganny lir, parey lanons laranzman predikasyon, netwayaz lasal, rapor kont ek serten lanons sorti kot biro brans pa pou bezwen ganny lir me i pou plito ganny mete lo bord pour bann frer ek ser kapab lir. Bann ki annan prezantasyon pour prepare i bezwen prepar byen e swiv lenstriksyon ki’n ganny donnen pour respekte ler ki zot in ganny dezinyen.
5. Ki progranm renyon pandan semenn vizit sirveyan rezyonal?
5 Vizit sirveyan rezyonal: Progranm pour sirveyan rezyonal pour lasemenn pa pou sanze. Lekol Minister Teokratik ek Renyon Servis pou ganny fer Mardi e pou swiv par en kantik. Apre, sirveyan rezyonal pou fer en diskour 30 minit. Parey i aktyelman ganny fer pandan semenn ki i pe vizit kongregasyon, en lot zour pou ganny dezinyen pour fer Letid Labib Kongregasyon ki pou swiv par en kantik ek diskour par sirveyan. Renyon pou termin par en kantik ek lapriyer.
6. Ki rol sirveyan group?
6 Renyon pour randevou predikasyon: Bann ki oparavan ti servi konman sirveyan Letid Liv pou aprezan ganny apele konman “sirveyan group.” Diferan frer pou ganny swazir par konsey bann ansyen e sak frer pou responsab pour pran swen avek en group predikasyon enkli bann endividi ki form parti sa group. Kan i pou annan sa bezwen pour en asistan ministeryel pran sa responsabilite i devret ganny apele konman “serviter group.”
7. Ki byenfe nou espekte gannyen avek nou renyon pour lasemenn?
7 I evidan ki atraver sa lenformasyon konsernan nou renyon lasemenn, ki nou pou annan sa loportinite pour egzamin bann lenformasyon itil e ankourazan ki pou ed nou pour annan en bon relasyon avek Zeova. Sa pou fer nou vin bann proklanmater ek ansennyan efikas ki’n ganny formen pour prodwir bon rezilta dan nou minister.—Efe. 4:13, 14; 2 Tim. 3:17.
8. Kan nou prepar endividyelman davans, ki mannyer sa pou anmenn byenfe pour nou osi byen ki lezot?
8 Si nou prepar davans pour sa bann renyon, sa pou ed nou pour vreman konsantre lo bann pwen prensipal ki ganny fer resorti dan renyon. Nou tou nou pou ganny en loportinite pour fer komanter ki pou kontribye pour ki i annan en bon lesanz lankourazman. (Rom. 1:11, 12; Ebr. 10:24) Nou lobzektif i devret pour ‘fer ki tou dimoun i war nou progre’ par “anons byen mesaz laverite.”—1 Tim. 4:15; 2 Tim. 2:15.
9. Ki nou determinen pour fer e akoz?
9 Nou vreman kontan sa sanzman enportan ki pou ganny fer dan nou bann renyon pour lasemenn. Fotespere ki nou tou nou servi byen sa gidans ki “lesklav fidel e pridan” i fourni e reste pros avek nou Gran Berze anmezir ki i prepar nou pour “gran ladetres,” ki byen pros.—Mat. 24:21, 45, NW; Rev. 7:14, NW.