Let Biro Brans

Ser Proklanmater Rwayonm:

“Bondye li in fer pouse.” (1 Kor. 3:6) Pa nou’n vwar ki sa parol in vin vre pandan lannen servis 2003! Anba direksyon nou biro brans, bann zil in ganny en gran ogmantasyon. Sirman, Zeova i beni zefor ki sakenn ant nou in fer.

Pour premye fwa, lasistans pour memoryal in depas sa sif 10,000 dimoun (10,203) dan nou bann zil! Larenyon (5,795), Moris (3,526) ek Sesel (639) ti rikord en pli bon lasistans ki zanmen oparavan. Mayot, Komor ek Rodrig ti osi rikord en gran lasistans (243). Alor, i annan gran posibilite ogmantasyon dan nou bann teritwar.

Nou anvi felisit senserman sa 57 proklanmater ki’n antreprann servis pionye pandan lannen servis 2003. An Septanm ek Oktob 2003, en lekol pour bann pionye pou ganny organize Larenyon e de Moris. Dan serten nou bann zil, bezwen pour annan plis pionye i touzour premye. Par egzanp, dan Moris, Sesel, Rodrig ek Mayot, biro brans i touzour pe rod bann koup ki anvi partisip dan servis pionye spesyal. Eski i annan en pli gran boner ki pour servi nou lavi, nou letan, ek nou lenerzi pour loue nou Kreater?—Ps. 34:8.

Dan nou bann zil, i annan en gran bezwen pour plis zonm kalifye, pour servi konman bann berze. Nou remersi bann frer ki travay dir pour kapab kalifye pour servi konman ansyen ouswa asistan ministeryel, me osi zot fanmiy, ki aksepte pour fer bann sakrifis, pour ki zot mari ouswa papa i servi bann frer ek ser. Serten kongregasyon i annan dekwa ansyen, me lezot i bezwen plis berze. Eski ou kapab “elarzi ou latant”? (Iza. 54:2) Eski ou aksepte pour sanz kongregasyon pour pli byen servi ou bann frer ek ser? Si ou kapab, sirveyan ou rezyon ouswa biro brans pou kapab diriz ou dan en bon fason.

Anmezir ki nou konmans lannen servis 2004, nou osi nou priye ansanm avek zot pour ki Zeova ‘i fer pouse.’ Nou asir zot, ser proklanmater, nou lafeksyon fraternel pli profon.

Zot frer,

Biro brans Moris