Let Biro Brans

Ser Proklanmater Rwayonm,

Vi ki nou pe konmans en nouvo lannen servis, nou kontan pour partaz avek zot detrwa levennman ki’n mark sa lannen servis ki’n pase. Levennman ki bokou nou i rapel se vizit sirveyan zón, Frer Gerrit Lösch, ki manm Konsey Direkter. Frer Lösch ti servi sa loportinite pour dedye nou nouvo batiman Moris. Son bann diskour ek leksperyans predikasyon in sirman reste dan nou lespri.

Ver lafen mwan Zen nou ti akey avek lazwa Frer Ramos en reprezantan Biro prensipal Brooklyn, ki responsab pour konstriksyon ek reparasyon bann Lasal Rwayonm pour rezyon Losean Endyen. I ti kontan pour vwar ki nou bann frer ek ser dan kongregasyon Bambous pou kapab reini dan zot nouvo Lasal Rwayonm an Septanm menm si sa konstriksyon ti konmanse an Mars 2005. Son rapor i montre ki i reste zis trwa kongregasyon Moris ki pa ankor ganny zot Lasal Rwayonm.

Nou oule felisit tou proklanmater dan nou bann zil pour sa gran zefor ki zot fer dan sa travay predikasyon sa bon nouvel. Nou bann frer ek ser Mayot ti fer en maksimonm 830 retourn vizit ek 115 letid Labib pandan sa lannen servis ki’n pase. Larenyon in raport de nouvo sif maksimonm. Sa i 134 pionye ordiner ek 22081 retourn vizit. Nou’n anrezistre en maksimonm 38 proklanmater Rodrig. Nou bann frer ek ser Sesel osi ti demontre en gran devouman dan travay predikasyon e zot ti ganny en maksimonm 6293 er-d-tan mwan Mars. Moris ti annan trwa nouvo sif maksimonm. Sa i 1438 letid Labib Septanm, 77 pionye ordiner Novanm, e 1522 proklanmater pandan mwan Avril 2005.

Tou sa bann travay i merit felisitasyon. Nenport kwa ki ou fer pour siport lorganizasyon Zeova, i vreman ganny apresye. (Prov. 3:9, 10) Fotespere Zeova i beni zefor ki nou tou nou fer pour “rann glwar son grander”!—Efe. 1:12.

Zot bann frer,

Biro Brans Moris