Let Biro Brans

Ser Proklanmater Rwayonm:

Nou vreman kontan pour vwar progre sa travay predikasyon dan bann zil ki tonm anba nou biro brans pandan lannen servis 2007!

En nouvo Betel ek en nouvo komite pei ti ganny etabli Larenyon le 1 Me 2007. Sa lofis i pran swen avek travay Larenyon, Mayot ek Komor anba sipervizyon Biro Brans Moris.

Lasistans total pour Memoryal pour tou bann zil ti 10714. Sa i reprezant en ogmantasyon 4.1 poursan.

Nou ti dedye de Lasal Rwayonm Moris: Grand Baie ek Chemin Grenier, pandan sa dernyen lannen servis. An Oktob 2006 nou ti ariv en maksimonm 1650 proklanmater e en maksimonm 1695 letid Labib an Me 2007. Sa i dezyenm fwa nou’n ganny pli gro ogmantasyon dan letid Labib pour sa lannen servis. An Mars nou ti ariv en maksimonm 78 pionye ordiner. Ki kantite dimoun ti fer pionye pandan mwan Mars, Avril ek Me? An Mars nou ti annan 396 pionye asistan, an Avril 557 e an Me 244. Alor nou ti annan en total 1197 pionye asistan lo tou bann zil pandan mwan Mars, Avril ek Me 2007.

Tou sa bann sif i montre ki Zeova pe beni ou travay pour rod e ed bann ki senser pour aprann sa ki Labib i vreman dir. (Mat. 28:19, 20) Anmezir ou prese, pa bliye pour not bann ki montre lentere e retournen avek bi pour konmans en letid Labib.

Nou kontan pour travay zepol kont zepol avek ou dan sa aktivite enportan e nou anvoy nou lanmour fraternel.

Zot bann frer,

Biro Brans Moris