En Mwayen pour ed zot

Bann vre Kretyen i partisip dan predikasyon pour propaz sa bon nouvel. (Fili. 2:17) Pour kapab akonpli sa, serten brosir, trak ek lartik dan 20 langaz in ganny mete lo Internet lo ladres www.watchtower.org. Sa sit Internet pa’n ganny fer pour distribye bann nouvo piblikasyon avek bann Temwen Zeova. Son bi se pour fer disponib avek piblik lenformasyon egzakt lo ki Temwen Zeova i ansennyen dan Labib.

Resaman, i annan en lot keksoz enportan ki’n ganny azoute avek nou sit Internet ofisyel. Sa i brosir Sa ki Bondye i ekspekte nou fer dan plis ki 220 langaz. Depi le 1 Zanvye ek le 8 Zanvye, 2004, nou ladres Internet in konmans aparet lo dernyen paz Latour Veyer ek Réveillez-vous! dan tou langaz.

Ki mannyer ou kapab servi sa zouti? Petet, ou kapab zwenn en dimoun ki paret enterese me ki konpran zis en lot langaz. Si i ganny akse avek Internet, ou kapab montre li sa ladres lo dernyen paz Latour Veyer ouswa Réveillez-vous! Dan sa fason i pou kapab egzamin brosir Ekspekte dan son langaz ziska ki ou kapab retourn avek piblikasyon dan son langaz. Ouswa, ou pou kapab donn ladres sa dimoun avek en kongregasyon ouswa en group ki konpran son langaz.