Si ou bezwen en piblikasyon dan en lot langaz vitman

Parfwa nou zwenn bann dimoun ki pli kontan lir nou bann piblikasyon dan en langaz ki nou kongregasyon napa dan stok. Eski ou ti konnen ki si ou annan akse avek Internet ou menm ou kapab enprim nou bann piblikasyon dan plis ki 400 diferan langaz? La ki mannyer ou kapab fer li:

• Al lo www.watchtower.org, nou sit ofisyel.

• Lo kote drwat sa paz ki ouver i annan en lalis detrwa langaz. Klik lo sa portre ki montre en lemonn pour ou ganny lalis tou bann langaz ki annan.

• Klik lo sa langaz ki ou anvi. En paz pou ouver ki montre tou bann piblikasyon ki ou kapab enprimen parey bann trak, brosir ek lartik. Vi ki sa paz i dan langaz ki ou’n swazir, pa bezwen enkyet si ou pa rekonnet sa bann tit.

• Ou kapab klik lo nenport keksoz e i pou ouver lo ou lekran e apre ou pou kapab enprim li.

Pa tou piblikasyon ki annan lo nou sit Internet. Ou kapab ganny lezot piblikasyon atraver ou kongregasyon. Si sa dimoun i montre plis lentere, i pou pli bon pour demann piblikasyon atraver kontwar piblikasyon.