Anmase
Sizesyon bann Prezantasyon dan Predikasyon
Servi sa bann sizesyon pour ed ou prepar bann prezantasyon baze lo piblikasyon ki pou ganny ofer dan bann mwan ki pe vini.
Ador sa sel vre Bondye
“Kote ou krwar nou kapab ganny led pour fer fas avek presyon lavi? [Les sa dimoun reponn. Apre lir Romen 15:4.] Remarke ki Labib i donn nou lenstriksyon, rekonfor, ek lespwar, ki kapab fortifye nou pour siport bann difikilte. Sa liv i donn bann sizesyon itil lo konman nou kapab tir bokou byenfe ler nou lir Labib.” Fer resorti sa kat pwen lo paz 30.
“Depi ler Zezi ti lo later ziska ozordi, bokou dimoun pe priye ki Rwayonm Bondye i vini. Eski ou’n deza demann ou lekor ki sa Rwayonm pou fer pour bann imen? [Les sa dimoun reponn. Apre lir Danyel 2:44.] Sa liv i eksplike kisisa Rwayonm Bondye, ki i pou fer, e konman nou kapab benefisye avek son dominasyon.” Atir latansyon lo sa portre lo paz 92-3.
Apros avek Zeova
“Bokou dimoun ki krwar dan Bondye ti pou kontan santi zot pli pros avek li. Eski ou ti konnen Bondye i envit nou pour apros avek li? [Lir Zak 4:8.] Sa liv in ganny fer pour ed dimoun servi zot prop Labib pour apros avek Bondye.” Lir paragraf 1 lo paz 16.
“Ozordi i annan en kantite lenzistis. I zis parey i ganny dekrir la. [Lir Eklezyast 8:9b.] Bokou dimoun i demande si Bondye i vreman enterese. [Lir sa de premye fraz dan paragraf 4 lo paz 119.] Sa sapit i eksplike akoz Bondye in permet lenzistis pour en serten letan.”
Écoute le grand Enseignant
“Eski ou krwar lemonn ti pou en pli bon landrwa si dimoun ti viv dapre sa prensip? [Lir Matye 7:12a. Apre les sa dimoun reponn.] Dan sa liv nou kapab aprann en kantite keksoz avek sa pli gran ansennyan ki’n deza egziste.” Met lanfaz lo bann portre ek zot tit dan sapit 17.
“Bokou paran ozordi i esey pas bann bon valer moral avek zot zanfan. Eski ou krwar sa i enportan? [Les sa dimoun reponn. Apre lir Proverb 22:6.] Remarke ki bann paran i ganny ankouraze pour konmans form zot zanfan depi byen zenn. Sa liv in ganny fer pour ed zot fer sa.” Met lanfaz lo bann portre ek zot tit dan sapit 15 oubyen 18.
“Souvannfwa bann paran i etonnen avek kestyon ki zot zanfan i demande. Serten sa bann kestyon i kapab difisil pour reponn, pa i vre? [Les sa dimoun reponn. Apre lir Efezyen 6:4.] Sa liv i kapab ed paran reponn kestyon zot zanfan ozordi.” Met lanfaz lo ennde portre ek zot tit dan sapit 11 ek 12, ouswa 34 ziska 36.
Konnesans Ki Anmenn ver Lavi Eternel
“Si ou ti ganny envite pour viv dan en zoli landrwa koumsa, eski ou ti pou aksepte? [Montre sa portre lo paz 4-5, e les sa dimoun reponn.] Remark sa ki Parol Bondye i dir i mwayen prensipal pour kapab viv sa kalite lavi pour touzour. [Lir Zan 17:2, 3.] Sa liv pou ed ou ganny sa konnesans ki anmenn ver lavi eternel.” Fer laranzman pour diskit sa premye senk paragraf dan sapit 1 lo prosen vizit.
Ouver liv kot sa portre lo paz 188-9, e demann sa met lakour sa kestyon lo sa paz: “Eski ou swete viv dan Paradi ler konnesans Bondye pou ranpli later? [Les sa dimoun reponn. Apre lir Izai 11:9.] Sa liv pou ed ou aprann ki Labib i dir lo Paradi e konman nou kapab viv dan sa Paradi.” Fer laranzman pour diskit paragraf 11-16 dan sapit 1 lo prosen vizit.
Kontinyen veye!
“Bokou dimoun i konsernen avek bann problenm grav ek levennman sokan ki komen ozordi. [Donn en legzanp lokal ki dimoun i konnen.] Eski ou ti konnen ki sa bann keksoz i form parti en siny ki montre ki gouvernman Bondye pe al pran kontrol later? [Les sa dimoun reponn. Apre lir en teks Labib apropriye, tel parey Matye 24:3, 7, 8; Lik 21:7, 10, 11; oubyen 2 Timote 3:1-5.] Sa brosir i koz lo akoz la i sirtou irzan pour nou konn sinifikasyon sa bann levennman.”
“Bokou dimoun i trouble par bann levennman sokan oubyen par bann maler ki’n ariv zot personnelman. Serten i demande akoz Bondye pa entervenir pour anpes sa bann keksoz arive. Labib i asir nou ki byento Bondye pou pran aksyon pour tir bann keksoz ki fer imen soufer. [Lir Revelasyon 14:6, 7.] Remark bann byenfe ki Bondye pou anmennen pour imen. [Lir 2 Pyer 3:10, 13.] Sa brosir i donn plis lenformasyon lo sa size enportan.”
La Bible: Parole de Dieu ou des hommes?
“Nou pe viv dan en letan kot preske tou dimoun i fer fas avek bann problenm grav. Bokou dimoun i rod gidans avek tou sort kalite konseye. Serten i rod led avek bann dimoun ki annan serten kalite pouvwar drol. Kote ou krwar nou kapab trouv pli bon konsey ki pou vreman ed nou? [Les sa dimoun reponn.] Labib i mansyonn en fe enportan ki nou tou nou bezwen apresye. [Lir 2 Timote 3:16. Apre ouver liv lo paz 187, e lir paragraf 9.] Sa liv pou ed ou vwar konman ler nou swiv sa ki Labib i dir i toultan anmenn bon rezilta.”
La Révélation: le grand dénouement est proche!
“Petet ou’n tann konsernan [mansyonn en nouvel]. Ler dimoun i mor en sel kou, bokou dimoun i demann zot lekor ki rekonfor nou kapab donn fanmiy bann viktim. Ki ou panse?” Les sa dimoun reponn. Ouver liv lo paz 299, e montre sa senn rezireksyon. Kontinyen par dir: “Bokou dimoun i sirprann pour aprann ki bann bon dimoun ek bann move dimoun pou resisite dan Paradi lo later. [Lir Akt 24:15 parey i’n ganny ekrir dan paragraf 9 lo paz 297, e apre lir leksplikasyon dan paragraf 10.] Sa liv i diskit lo en kantite lezot detay enteresan konsernan plan Bondye pour lavenir.”
La vie: comment est-elle apparue? Évolution ou création?
“Nou tou nou konsernen avek krim ek vyolans dan nou rezyon. Eski ou santi ki okenn dimoun i annan solisyon pour sa problenm? [Les sa dimoun reponn.] Bondye i annan en solisyon.” Vir lo paz 196, lir e fer komanter lo Proverb 2:21, 22 dan paragraf 19. Montre tit sapit 16, e ofer sa liv.
Ouver lo paz 6, e dir: “Bokou dimoun i panse ki nou zoli later ek lavi lo la in vin par aksidan. Ki ou krwar i pli bon leksplikasyon lo ki mannyer tousala in arive? [Les sa dimoun reponn.] En kantite levidans i konfirm sa ki Labib i dir lo en Kreater ki tre pwisan e ki kontan nou en kantite. I sa vre Bondye, e son non i Zeova.” Lir Psonm 83:18, e eksplike an bref ki i dan plan Zeova pour transform later antye dan en Paradi.
Le plus grand homme de tous les temps
“Pandan sa sezon dan lannen bokou dimoun pe mazin Zezi. Me vi ki bokou move keksoz pe arive partou dan lemonn, serten i kapab demann zot lekor si Zezi i vreman enterese avek nou. Ki ou panse?” Les sa dimoun reponn. Vir lo sapit 24, e diskit an bref akoz Zezi ti vin lo later. Apre lir Zan 15:13, e aksantye lanmour senser ki Zezi i annan pour lezot.
“Ler en dimoun i koz lo Zezi Kri, bokou i mazin li konman en pti baba ouswa konman en zonm ki pe soufer. Sa ki zot panse lo Zezi i enplik zis son nesans ek son lanmor. Bann keksoz remarkab ki i ti dir e fer dan son lavi i souvan ganny inyore. Sa ki i ti fer i fer lefe lo tou dimoun ki’n deza viv lo later. Se pour sa rezon i tre enportan ki nou aprann kantite ki nou kapab lo bann keksoz merveye ki i’n fer pour nou.” Lir Zan 17:2, 3. Vir lo premye paz lentrodiksyon, e lir katriyenm paragraf.
L’humanité à la recherche de Dieu
“Avek sa kantite larelizyon ki annan ozordi, eski ou’n deza demann ou lekor ki mannyer nou kapab konnen lekel ki Bondye i aksepte?” Apre ki sa dimoun in reponn, ouver liv lo paz 377. Fer resorti pwen nimero 7, e demann sa met lakour si i dakor ki vre larelizyon i devret ini tou ras imen. Get en verse ki’n ganny mete, e si i annan ase letan, diskit serten pwen dan sa lalis. Si sa dimoun i vreman enterese, ofer li sa liv. Ler ou pe ale, ou kapab demann li, “Ki lefe vre larelizyon i devret fer lo kondwit en dimoun?” Fer laranzman pour reponn sa kestyon lo en lot vizit.
Si en dimoun i idantifye son lekor konman manm en gran larelizyon, ou kapab dir: “I enteresan pour zwenn dimoun dan plizyer larelizyon. Imen in rod Bondye dan diferan fason. [Si i apropriye, lir Akt 17:26, 27.] Souvannfwa, dimoun i swiv larelizyon zot paran. [Lir paragraf 12 lo paz 8.] Nou konn bokou keksoz enteresan ler nou aprann plis lo lezot larelizyon. Sa liv i eksplik lorizin, pratik, ek lansennyman bann gran larelizyon dan lemonn.” Montre en legzanp ki annan dan sa liv konsernan larelizyon sa dimoun, lo sa bann paz swivan: Sikism (100-101); Endou (116-17); Boudism (141); Taoism (164-6); Konfisyanism (177); Sintoism (190-5); Zidaism (220-1); ek Islanm (289).
Sa ki Bondye i ekspekte nou fer
“Eski ou krwar ki Bondye ti oule nou viv en lavi ranpli avek problenm parey nou pe rankontre ozordi? [Les sa dimoun reponn. Apre lir Matye 6:10.] Eski ou’n deza mazinen ki Rwayonm Bondye i vreman ete?” Vir lo leson 6, e lir bann kestyon ki’n ganny demande okonmansman leson. Konmans diskit sa leson, oubyen aranze pour fer li lo prosen vizit.
“Kantmenm sosyete ozordi in avanse, maladi ek lanmor i kontinyen koz bokou soufrans ek sagren parmi nou. Eski ou konnen ki Zezi pou fer pour bann dimoun malad, bann aze, e menm bann mor?” Les sa dimoun reponn. Si sa dimoun i oule konn larepons, vir lo leson 5, e lir bann kestyon pour paragraf 5-6. Diskit sa paragraf, ouswa aranze pour fer li lo prosen vizit.
Y a-t-il un Créateur qui se soucie de vous?
“Kote nou pou trouv pli bon konsey lo ki mannyer pour rezourd nou bann problenm? [Les sa dimoun reponn. Apre lir Matye 7:28, 29.] Sa i dekrir konman bann dimoun ti reazir anver Sermon ki Zezi ti fer lo montanny. Gete ki lezot in dir. [Montre bann komanter lo paz 152.] Sa sapit i diskit lo lavi ek lansennyman Zezi.”
“Eski ou’n deza demann ou lekor: ‘Si i annan en Bondye, eski i pou pran aksyon pou retir soufrans ek lenzistis ki egziste dan lemonn?’ [Les sa dimoun reponn. Apre lir Revelasyon 21:3, 4.] Sa liv i eksplike ki Bondye pou fer pour elimin soufrans e sa enn ki responsab pour soufrans.” Montre sapit 10.