(1) Kestyon, (2) Verse Labib, ek (3) Sapit
En fason senp pour prezant sa liv Ki Labib i vreman dir? i par (1) demann dimoun son pwennvi, (2) lir en verse Labib apropriye, e (3) montre sa dimoun en sapit dan liv ki koz lo sa size par lir bann kestyon lentrodiksyon anba tit sa sapit. Si sa dimoun i montre lentere, ou pou kapab demontre konman fer en letid Labib par servi bann premye paragraf dan sa sapit. Ou kapab servi sa lapros pour konmans en letid premye fwa ou zwenn en dimoun oubyen lo en retourn vizit.
◼ “Eski ou krwar i posib pour bann senp imen konn nou Bondye Tou Pwisan, parey i dir la dan Labib?” Lir Akt 17:26, 27, e les sa dimoun reponn. Apre atir latansyon lo sapit 1.
◼ “Avek bann problenm ki nou pe rankontre ozordi, eski ou krwar i posib pour trouv rekonfor ek lespwar parey i ganny dekrir la?” Lir Romen 15:4, e les sa dimoun reponn. Apre lir sapit 2.
◼ “Si ou ti annan pouvwar pour fer li, eski ou ti pou fer sa bann sanzman?” Lir Revelasyon 21:4, e les sa dimoun reponn. Apre atir latansyon lo sapit 3.
◼ “Eski ou krwar nou bann zanfan pou rezwir sa bann kondisyon ki ganny dekrir la dan sa psonm?” Lir Psonm 37:10, 11, e les sa dimoun reponn. Apre atir latansyon lo sapit 3.
◼ “Eski ou krwar sa zour pou arive kot sa parol pou ganny akonpli?” Lir Izai 33:24, e apre les sa dimoun reponn. Apre atir latansyon lo sapit 3.
◼ “Eski ou’n deza demann ou lekor si bann mor i konnen ki bann vivan pe fer?” Les sa dimoun reponn. Apre lir Eklezyast 9:5, e apre atir latansyon lo sapit 6.
◼ “Eski ou krwar i posib ki en zour nou pou vwar bann dimoun mor ankor, parey Zezi ti dir dan sa bann verse?” Lir Zan 5:28, 29, e les sa dimoun reponn. Apre atir latansyon lo sapit 7.
◼ “Dapre ou, ki mannyer i posib pour lavolonte Bondye ganny fer lo later parey dan lesyel, parey i ganny mansyonnen dan sa lapriyer ‘Notreper’?” Lir Matye 6:9, 10, e les sa dimoun reponn. Apre atir latansyon lo sapit 8.
◼ “Eski ou krwar nou pe viv dan sa lepok ki ganny dekrir dan sa profesi?” Lir 2 Timote 3:1-4, e les sa dimoun reponn. Apre atir latansyon lo sapit 9.
◼ “Bokou dimoun i demann zot lekor akoz problenm ki limanite pe fer fas avek i paret pe vin pli pir. Eski ou krwar sa ki sa verse pe dir?” Lir Revelasyon 12:9, e les sa dimoun reponn. Apre atir latansyon lo sapit 10.
◼ “Eski ou ti a kontan konn larepons en kestyon koumsa?” Lir Zob 21:7, e les sa dimoun reponn. Apre atir latansyon lo sapit 11.
◼ “Eski ou krwar ler dimoun i aplik sa konsey dan Labib ti pou ed zot annan en bon lavi fanmiy?” Lir Efezyen 5:33, e les sa dimoun reponn. Apre atir latansyon lo sapit 14.
En letid i kapab ganny marke ler i’n ganny fer de fwa apre ki ou’n fer laranzman letid e si i paret ki sa letid pou kontinyen.