Plis Lanfaz lo Labib!
1. Latour Veyer ti ganny pibliye pour lekel okonmansman, e pour lekel The Golden Age?
1 Le 1 Oktob 1919, premye nimero magazin The Golden Age ti ganny pibliye. I ti en zouti vreman itil dan travay predikasyon. Akoz? Parski i ti’n ganny fer spesyalman pour piblik. Sa pa ti leka avek Latour Veyer, ki pour plizyer lannen ti ganny vwar konman en magazin sirtou pour ‘pti troupo.’ (Lik 12:32) Bann proklanmater Rwayonm ti reazir avek bokou lantouzyasm anver sa nouvo piblikasyon, e pour plizyer lannen distribisyon The Golden Age ti plis ki pour Latour Veyer.
2. Ki mannyer The Golden Age i apele konmela, e ki son bi depi okonmansman?
2 Magazin The Golden Age ti ganny pibliye pour montre dimoun ki vre solisyon pour problenm limanite i Renny Milener Kris, ki pou vreman anmenn en lepok favorab pour bann imen. Pandan bann lannen ki’n pase apre sa, detrwa sanzman ti ganny fer avek The Golden Age pour adapte avek diferan bezwen ki arive avek letan. An 1937 son non ti sanze pour vin Consolation. An 1946 i ti vin Réveillez-vous!, non ki nou konn li konmela.
3. Dan lakonplisman ki profesi Réveillez-vous! in vin en zouti pwisan?
3 Depi ki i ti ganny pibliye, sa magazin in kontribye en kantite dan sa gran temwannyaz ki’n ganny donnen depi 1919. (Mat. 24:14) Me vi ki letan ki nou pe viv ladan i kourt, i byen pour fer plis sanzman avek Réveillez-vous!
4. (a) Ki en dimoun i bezwen fer si i anvi ganny proteze “zour lakoler Zeova”? (b) Dapre Revelasyon 14:6, 7, ki sa “lanz [ki] pe anvole atraver lesyel” i demann tou dimoun pour fer?
4 Plizyer milyon dimoun i kontan lir Réveillez-vous! akoz i kouver en gran varyete topik ki pa relizye dan en fason atiran. San dout lamazorite dimoun ki asiste Memoryal sak lannen i lir Réveillez-vous! regilyerman. Me si okenn dimoun i anvi ganny proteze “zour lakoler Zeova,” i pou bezwen led pour fer plis ki zis lir nou bann piblikasyon regilyerman.—Tsef. 2:3; Rev. 14:6, 7.
5. (a) Kwa ki pou ganny prezante dan en fason pli kler e direk dan Réveillez-vous! apartir Zanvye 2006? (b) Ki bokou dimoun i kapab anvi fer, e an armoni avek lakonplisman ki profesi?
5 Alor, apartir Zanvye 2006, Réveillez-vous! pou met plis lanfaz lo Rwayonm Bondye. I pou ankouraz bann lekter dan en fason pli direk pour get dan Labib pour vwar solisyon pour zot problenm. I pou osi fer resorti dan en fason pli remarkab leksplikasyon Labib konsernan bann levennman aktyel. Dan sa fason, bann lekter pou pli byen konpran sa bann levennman e petet santi zot pouse par sa ki zot lir pour aprann plis lo Zeova.—Zeka. 8:23.
6, 7. (a) Ki mannyer Réveillez-vous! pou ganny prepare pour ed plizyer dimoun aplik 1 Tesalonisyen 2:13? (b) Konbyen fwa Réveillez-vous! pou ganny pibliye, e ki kantite langaz ki pou ganny afekte par sa sanzman?
6 Réveillez-vous! pou kontinyen annan bann topik ki enteres tou dimoun. Me plis lanfaz pou ganny mete lo Labib. (1 Tesa. 2:13) Vi ki Latour Veyer i kontyen lenformasyon biblik profon e Réveillez-vous! pou prezant bann lenformasyon ki baze plis lo Labib, i pa neseser pour kontinyen pibliy Réveillez-vous! de fwa par mwan. Alors, apartir son nimero Zanvye 2006, Réveillez-vous! pou ganny pibliye tou le mwan. Sa pou senplifye en bon pe travay ki ganny fer dan preparasyon, tradiksyon, ek transportasyon nou bann piblikasyon.
7 Sa sanzman pou afekte apepre 40 poursan bann langaz ki Réveillez-vous! i ganny pibliye. Dan laplipar langaz, Réveillez-vous! i deza pe ganny pibliye tou le mwan ouswa tou le trwa mwan. Pou napa sanzman dan Latour Veyer.
8. Ki mannyer bann proklanmater i kapab servi Réveillez-vous! ansanm avek Latour Veyer?
8 Bann proklanmater pou kapab ofer Réveillez-vous! ki pou sorti sak mwan ansanm avek nenport nimero Latour Veyer sa menm mwan. Bann ki prezant Réveillez-vous! pou kapab servi sa menm nimero pandan le mwan san bezwen sanz zot prezantasyon dan milye le mwan, parey i leka konmela.
9. Ki rol Réveillez-vous! pou kontinyen zwe?
9 Depi son premye nimero an 1919, sa magazin ki’n byen renonmen konman The Golden Age, Consolation, e aprezan Réveillez-vous! in zwe en rol enportan dan travay predikasyon. Nou priye ki Zeova pou kontinyen beni distribisyon sa magazin dan son nouvo forma e ki i pou ed bokou plis dimoun dan “tou nasyon, tribi, pep ek lalang” tourn ver Rwayonm Bondye konman zot sel lespwar.—Rev. 7:9.