Revizyon Lasanble Rezyonal

Sa lenformasyon pou ganny servi dan progranm Renyon Servis en pe letan avan e en pe letan apre ki kongregasyon in asiste lasanble rezyonal pour lannen servis 2006. Sirveyan prezidan pou fer laranzman pour sa avangou ek revizyon ganny fer, parey ti endike dan Nou Minister Rwayonm Out 2004, paz 4. Tou kestyon i devret ganny demande pandan revizyon. Atir latansyon lo konman nou kapab aplik sa lenformasyon ki ti ganny prezante.

PREMYE ZOUR

1. Ki mannyer nou met sa nouvo personnalite, e akoz nou devret mentenir li?

2. Konman serten in ogmant zot partisipasyon dan predikasyon?

3. Akoz nou devret evite konpar nou avek lezot?

4. Ki mannyer bann manm fanmiy i kapab demontre sa nouvo personnalite dan lafanmiy?

5. Konman nou kapab montre ki nou soutenir kongregasyon fidelman?

6. Akoz nou bezwen demontre sa nouvo personnalite dan predikasyon?

7. Ki i enkli dan en bon refleksyon, e ki mannyer nou benefisye avek en tel refleksyon?

8. Ki bann kalite ki pou fer li fasil pour Zeova moul nou?

DEZYENM ZOUR

9. Ki kantite i enportan pour byen servi nou lalang?

10. Ki bann byenfe ki nou gannyen ler nou koz byen avek nou bann koleg travay, kanmarad lekol, ek lezot?

11. Ki mannyer nou kapab aplik konsey Pol dan Efezyen 4:25-32 dan nou fason azir avek nou bann konpanyon Kretyen?

12. Ki pli bon fason nou kapab servi nou lalang?

13. Ki nou devret fer pour kapab ranport laviktwar lo sa enn ki mesan?

14. Dan ki laspe nou devret fer zefor pour pa les nou ganny sali par move lenfliyans sa lemonn?

15. Akoz nou devret renouvle sa dimoun ki nou ete anndan toulezour, e ki mannyer nou kapab fer sa?

16. Ki konsey dan progranm lasanble rezyonal sa lannen ki ou pe plàn pour met an pratik?