Nouvo Progranm Lasanble rezyonal

Pandan bann dernyen zour sa lemonn koronpi, i tre enportan ki nou gard nou lenz spirityel e protez nou lidantite Kretyen. (Rev. 16:15) Alor i apropriye ki tenm lasanble rezyonal pour lannen servis 2006 i “Met lo zot sa Nouvo Personnalite.”—Kol. 3:10, NW.

Premye Zour: Premye diskour an kat parti, “Demontre diferan Laspe sa Nouvo Personnalite,” pou fer resorti konman ler nou devlop sa nouvo personnalite i benefisye nou dan tou laspe nou lavi. Ki mannyer nou devlop sa nouvo personnalite? Sa pou ganny egzaminen dan sa de dernyen diskour premye zour, “Disiplin ou Lekor pour byen reflesir” ek “Lenstriksyon ki fer devlop sa Nouvo Personnalite.”

Dezyenm Zour: Konman sa nouvo personnalite i enfliyans lafason nou servi nou lalang pou ganny egzaminen dan sa dezyenm diskour an kat parti, “Devlop Lalang bann Dimoun saz.” “Eski ou pe ranport Laviktwar lo sa enn ki mesan?” i tenm diskour piblik, ki pou fer resorti nesesite pour reste vizilan anver bann taktik Satan. Sa de dernyen diskour sa lasanble, “Pa les ou ganny sali par move Lenfliyans sa Lemonn” ek “Renouvle sa Dimoun ki nou ete anndan toulezour,” pou ed nou evit bann latitid ek kondwit ki pa an armoni avek bann fason drwat Bondye e pour reste ferm dan ladorasyon Zeova.

Pa nou pe esper avek enpasyans pour ganny sa lankourazman pour met e gard sa nouvo personnalite!