En Edisyon spesyal Awake! pou sorti an Septanm
1 Preski tou dimoun i kontan ekout zwazo kot pe sante, e get soley kot pe kouse. Me bokou pa rekonnet ki en Papa ranpli avek lanmour ki’n kree tousala. Nou pou ganny en loportinite spesyal pour koz lo Kreasyon Zeova kan nou pou distribye en edisyon spesyal Awake! (Iza. 40:28; 43:10) Sa Awake! ki pou sorti an Septanm i koz antyerman lo sa size, “Eski i annan en Kreater?”
2 Dan Teritwar: Si i posib fer laranzman pour ou partisip dan predikasyon tou le Sanmdi avek kongregasyon. Santi ou alez pour ofer sa edisyon spesyal dan nenport ki zour dan lasemenn. Bann ansennyan ek lezot ki travay avek ledikasyon pou sirtou anvi lir sa magazin. Alors, laranzman spesyal i kapab ganny fer pour vizit sa bann tel dimoun dan nou teritwar.
3 Si dimoun i montre lentere, demann zot en kestyon ki ou pou reponn lo lot vizit. Par egzanp ou kapab demande, akoz en Kreater ki annan lanmour i permet sa kantite soufrans koumsa? Apre, lo ou retourn vizit ou kapab diskit sapit 1 oubyen sapit 11 dan liv Ki Labib i dir. Oubyen ou kapab demann en kestyon konsernan plan Bondye pour later, e apre kan ou retournen ou kapab egzamin sapit 3.
4 Kot Lekol: Si ou ankor lekol, ou kapab donn ou bann ansennyan ek kanmarad lekol en kopi sa Awake! Si ou zis met en kopi lo ou biro, sa i kapab fer lezot demann ou kestyon lo ou krwayans. I tre probab ki ou pou kapab servi sa bann lenformasyon ladan pour defann ou lafwa pandan bann diskisyon dan laklas e kan ou pe fer bann travay lakour. Pour ed ou fer sa, dan sa Awake! i annan en lartik “Young People Ask,” ki i annan pour tit “How Can I Defend My Belief in Creation?”
5 Zeova i merite ganny loner ek laglwar pour tou sa ki i’n kree. (Rev. 4:11) Nou kapab onor nou Kreater e ed lezot pour fer parey, kan avek leksitasyon nou ofer zot en kopi sa Awake!