Temwannyaz par telefonn i kapab efikas
1 Akoz nou devret konsider rann temwannyaz par telefonn dan nou minister? Akoz sa i en lot mwayen ki nou kapab servi pour ed lezot ganny konnesans egzakt pour zot ganny sove. (2 Pyer 3:9) Menm si sa fason prensipal ki nou servi pour anons sa bon nouvel lo Rwayonm Bondye i predikasyon portanport, nou volonterman profit lezot loportinite ki nou gannyen pour kontakte bann dimoun ki petet nou pa ganny sans zwenn kot lakour.—Mat. 24:14; Lik 10:1-7; Rev. 14:6.
2 Fason i ganny organize: Zis parey dan travay predikasyon portanport i annan bann laranzman ki ganny fer, i osi annan teritwar ki ganny donnen avek bann proklanmater pour rann temwannyaz par telefonn. I kapab ganny fer kan ou tousel oubyen petet dan en pti group de ou trwa dimoun. Sa landrwa ki ganny servi i devret apropriye. Bokou i vwar li byen pour asiz atab avek tou sa ki zot normalman servi kan zot pe pres portanport.
3 Konman pour rann temwannyaz par telefonn: Kan nou pe rann temwannyaz par telefonn nou devret koz parey nou abitye koze dan lavi toulezour. Bann ki fek konmans rann temwannyaz par telefonn i kapab lir en prezantasyon lo papye avek sa met lakour me zot devret koz parey zot abitye koze toulezour. Lentrodiksyon dan liv Reasoning, Nou Minister Rwayonm ek sa trak Eski ou ti a kontan konn laverite? i kapab itil dan sa domenn. Kan ou pe fer ou prop prezantasyon, deside lo ki topik ou oule koz lo la, rod en kestyon pour ou demann sa met lakour e met pare detrwa verse pour ou partaz avek li ki pou reponn sa kestyon. Normalman ou pou ofer sa menm piblikasyon ki pe ganny ofer dan predikasyon portanport. Pran aker sa bann rapel swivan: Reste kalm, pa koz tro vit. Demontre lapolites, pasyans e koz dan en fason amikal akoz sa met lakour i kapab santi lo telefonn si ou pa alez. Ekoute anmezir sa met lakour i dir ou son lopinyon, apre dir li ki ou apresye son lopinyon e remersye li. Fer atansyon pour pa demann kontribisyon akoz sa i kapab ganny mal enterprete konmkwa nou pe telefonn dimoun pour mandyan zot.
4 Sa dimoun ki ou ganny sans koz avek lo telefonn i kapab en dimoun ki malad oubyen annan en dezabilite ki fer li bezwen reste dan lakaz, ouswa en dimoun ki son progranm travay i fer li difisil pour zwenn li dan predikasyon portanport. I annan lezot ki viv dan bann landrwa kot i annan baro sekirite oubyen dan bann apartman kot personn napa drwa antre san ganny permisyon. Alor, dan nou zefor pour akonplir nou minister pli plennman e pli byen, konsider rann temwannyaz par telefonn akoz i en metod ki efikas.
[Kestyon]
1. Akoz nou devret konsider rann temwannyaz par telefonn konman en metod esansyel dan nou minister?
2. Ki mannyer temwannyaz par telefonn i ganny organize?
3. Ki nou devret gard antet ler nou pe rann temwannyaz par telefonn?
4. Ki temwannyaz par telefonn i kapab permet nou fer?