Rode lekel ki pare pour resevwar nou
1 Lenstriksyon Zezi pour akonpli sa travay predikasyon i kapab fer sa travay vin en latas ki pa fasil. I ti dir: “Kan zot ariv dan en lavil oubyen en vilaz, rode ki sennla ki pare pour resevwar zot.” (Mat. 10:11) Vi ki ozordi dimoun i pas mwens e mwens letan kot zot, konman nou kapab rod zot dan en fason efikas?
2 Egzamin byen ou Teritwar: Konmans par egzamin byen ou teritwar. Ki ler ki annan plis probabilite ki nou pou zwenn dimoun kot zot? Kote nou kapab trouv zot dan lazournen? Eski i annan en serten zour dan lasemenn ouswa ler ki zot kapab pli pare pour resevwar nou? Par aziste ou minister pour adapte avek progranm ek sitiasyon bann dimoun dan ou teritwar i kapab ed ou pour ganny bann pli bon rezilta.—1 Kor. 9:23, 26.
3 Bokou proklanmater in reisi trouv bann dimoun kot zot tar dan apremidi. Serten met lakour i pli relaks e anvi pour ekoute dan sa ler. Fer temwannyaz par telefonn aswar (kot i permet) i kapab efikas. Travay dan teritwar komersyal e donn temwannyaz dan bann landrwa piblik i osi bann fason kot nou kapab partaz sa bon nouvel avek lezot dimoun.
4 Pandan en mwan aktivite spesyal, en kongregasyon ti fer laranzman pour donn temwannyaz lo tar apremidi dan bann Sanmdi ek Dimans e dan bann sware Merkredi ek Vandredi. Zot ti osi organiz temwannyaz par telefonn e fer laranzman pour travay dan teritwar komersyal. Sa bann laranzman ti fer zot annan bokou lantouzyasm pour predikasyon, ki fer ki sa kongregasyon ti kontinyen avek sa laranzman.
5 Fer bokou Zefor pour fer Retourn Vizit: Si dan ou teritwar i difisil pour trouv dimoun kot zot ler ou retournen, sak fwa ki ou vizit zot, enkli premye vizit, esey fer en apwentman spesifik pour retournen avan ler ou ale. Apre, fer sir ki ou gard sa apwentman. (Mat. 5:37) Si i apropriye, ou kapab demann sa met lakour son nimero telefonn. Sa i osi kapab ed ou pour kontakte sa dimoun ankor.
6 Si nou kontinyen fer bokou zefor pour rod bann ki pare pour resevwar nou e pour devlop zot lentere, nou pou sirman ganny benediksyon Zeova.—Prov. 21:5.