Konman pres dan Teritwar Biznes
1. Ki serten lavantaz pres dan teritwar biznes?
1 Eski ou ti a kontan pres dan en teritwar kot laplipar dimoun i akey bann viziter e kot nou normalman zwenn tou dimoun? Petet ou kapab fer sa dan teritwar ou prop kongregasyon. Konman? Par vizit bann landrwa biznes ki trouve dan teritwar ou kongregasyon. Bann proklanmater ki pres dan bann laboutik souvan i ganny bann bon rezilta.
2. Ki mannyer pres dan teritwar biznes i kapab ganny organize?
2 Serten kongregasyon i annan bann teritwar biznes ki form parti zot teritwar. Sa frer ki okip teritwar i kapab prepar bann kart teritwar spesyal pour sa bann landrwa biznes. Okenn kart teritwar rezidansyel ki bann biznes i enkli lo la i devret ganny endike klerman ki sa bann biznes pa devret ganny travay konman parti sa teritwar rezidansyel. Dan lezot teritwar, bann biznes i kapab ganny travay ansanm avek bann lakaz. Si zanmen ou’n deza pres dan teritwar biznes, konmans par esey ennde pti laboutik.
3. Kwa ki pou ed nou vin efikas ler nou pe pres dan bann laboutik?
3 Servi en Lapros senp: Ler ou pe pres dan bann laboutik, i enportan ki ou sanz parey ou ti pou sanze pour asiste en renyon dan Lasal Rwayonm. I osi byen pour swazir en letan ki laboutik pa okipe. Si i posib, antre ler napa kliyan ki pe espere pour ganny servi. Demande pour koz avek manedyer ouswa sa dimoun ansarz. Ou devret bref e presi. Ki ou kapab dir?
4-6. Ki nou kapab dir ler nou pe pres avek en boutikye ouswa en manedyer?
4 Ler ou pe koz avek en boutikye ouswa manedyer, ou kapab dir en keksoz koumsa: “Bann dimoun ki annan biznes i telman okipe ki nou rarman vwar zot kot zot, alor nou pe vizit ou dan ou landrwa travay. Nou bann magazin i donn en pwennvi global lo bann levennman ki pe arive.” Apre atir latansyon lo en pwen bref dan en magazin.
5 Oubyen ou kapab esey sa lapros senp: “Bokou dimoun ti pou kontan konn plis lo Labib me zot napa bokou letan. Sa trak i koz konsernan en progranm letid gratwit ki disponib, pour ed ou trouv larepons ou bann kestyon lo Labib.” Apre vir lo paz 4-5 sa trak Eski ou ti a kontan konn plis lo Labib?
6 Si sa dimoun ki ansarz i paret okipe, ou kapab zis ofer en trak e dir: “Mon pou retourn ankor ler ou pa tro okipe. Mon ti a kontan konnen ki ou panse lo sa trak.”
7. Ki mannyer nou kapab devlop lentere ki nou trouve dan teritwar biznes?
7 Devlop Lentere sa bann Dimoun: Ou menm kapab kondwir en letid Labib dan teritwar biznes. En pionye spesyal ti regilyerman anmenn magazin pour en biznesmenn. Ler sa zonm ti montre lapresyasyon pour sa ki i ti pe lir, sa pionye ti montre li konman en letid Labib i deroule, par servi brosir Ekspekte. En letid ti konmans lanmenm dan landrwa travay sa zonm. Par pran kont sitiasyon, sak fwa ki i ti fer letid, sa pionye ti limit letan letid pour 10 a 15 minit. Pareyman, annou kontinyen rod bann ki diny par pres dan teritwar biznes.