Eski ou kapab benefisye avek en teritwar personnel?

1. Ki savedir en teritwar personnel?

¹ Ki savedir en teritwar personnel? I en teritwar ki ou kapab gannyen petet pros avek kot ou reste si ou kongregasyon i annan en kantite teritwar. Liv Organized lo paz 103 i eksplike: “En teritwar personnel ki pros avek kot ou reste pou ed ou byen servi sa letan ki ou’n met dekote pour fer predikasyon. Ou osi kapab envit en lot proklanmater pour travay avek ou dan ou teritwar personnel.”

2. Ki mannyer nou kapab fer plis ki zis pres avek group?

² I ed ou fer plis ki pres avek group: Si ou ganny en teritwar personnel pros avek kot ou travay, ou kapab al prese pandan ler dezennen oubyen avan retourn kot lakour, petet avek en lot proklanmater ki travay pros o bor ou. Si ou ganny en teritwar pros avek kot ou reste, ou ek ou fanmir i kapab pres lo tar apremidi. Byen sir, si ou pa’n asiste en renyon predikasyon, i pou byen pour demann Zeova son gidans atraver lapriyer avan ki ou konmans prese. (Fili. 4:6) Deplis, ou bezwen byen balans lakantite letan ki ou pase dan ou teritwar personnel ek lakantite letan ki ou siport sa laranzman ki kongregasyon i fer pour pres avek group. I pli byen pour siport ou group predikasyon sirtou dan wikenn kan i annan bokou plis ki vin prese.

3. Ki byenfe ou kapab gannyen kan ou annan en teritwar personnel?

³ Byenfe: Si ou annan en teritwar personnel, ou pou annan en landrwa pour prese sak fwa ki ou annan en pti letan. Ou pou pas mwens letan vwayaze e annan plis letan pour prese. Sa in fer li posib pour serten fer pionye asistan oubyen ordiner. Vi ki bann dimoun ki demontre lentere i reste dan ou kanton, i pli fasil pour fer retourn vizit e fer bann letid Labib. Ler ou travay dan en teritwar personnel ou pou kapab konn bann dimoun byen e ed zot pour annan konfyans dan ou, espesyalman si ou kapab kouver sa teritwar plis ki en fwa avan ki ou rann li. Eski i pou ed ou ek ou fanmir pour ranpli ou devwar dan servis Bondye pli plennman?​—2 Tim. 4:5.