Eski ou annan en Teritwar personnel?
1. Kisisa en teritwar personnel?
1 En teritwar personnel i enn ki ou’n gannyen pour pres ladan. I kapab en landrwa ki byen plase kot ou kapab zwenn vitman e pres swa tousel oubyen avek en lot proklanmater. Nou benefisye ler nou asiste kan i posib bann laranzman kongregasyon ki’n ganny fer pour pres avek group. Me ler nou travay lo en teritwar personnel dan lezot lokazyon i ede pour donn en temwannyaz oprofon, sirtou dan bann kongregasyon kot i annan en gran teritwar.—Akt 10:42.
2. Ki serten byenfe nou gannyen pour annan en teritwar personnel?
2 Bann Byenfe: Serten in vwar lezot byenfe pour pres dan en teritwar personnel pros avek zot landrwa travay pandan zot ler manze oubyen zis apre travay. Lezot in trouv lazwa par pres ansanm konman en fanmiy dan zot vwazinaz pour enn er-d-tan avan oubyen apre Letid Liv Kongregasyon. Alors bann retourn vizit ek letid Labib ki ou gannyen pou pros avek ou, sa pou fer ou ekonomiz lafors, letan, ek depans. Avek en teritwar personnel plis travay i kapab ganny akonpli dans mwens letan. Sa i kapab permet serten pour pran servis pionye asistan tanzantan oubyen pran servis pionye ordiner. Anplis, ler ou travay dan en teritwar personnel ou pou konn sa bann dimoun pli byen. Sa pou fer zot annan konfyans dan nou e nou pou kapab adapte nou prezantasyon dapre zot bezwen. Sa i fer ki nou predikasyon pou vin pli efikas.
3. Ki leksperyans en pionye ti gannyen par aksepte en teritwar personnel?
3 En ser pionye ki ti ganny ankouraze par en sirveyan rezyonal pour rod en teritwar personnel ti rakonte: “Mon ti aksepte sa konsey e byen vit mon ti abitye e vin zanmi avek bann dimoun dan mon teritwar. Mon ti adapte ler pour fer mon bann vizit, dapre sa ki pli konvenab pour zot. Rezilta ki sa ti anmennen, mon bann retourn vizit ti ogmante depi 35 ziska plis ki 80 dan en mwan, e mon ti annan set letid Labib.”
4. Ki mannyer ou kapab ganny e travay dan en teritwar personnel?
4 Ki ou bezwen fer: Si ou oule ganny en teritwar personnel, koz avek sa frer ki okip teritwar. Pa ezite pour envit en lot proklanmater pour travay avek ou, e pran not bann ki absan. Ou devret esey konplet sa teritwar dan kat mwan. Si ou ganny difikilte pour fer sa, ou kapab demann led ou sirveyan Letid Liv oubyen lezot. Alafen sa kat mwan, ou kapab swa rann sa teritwar ki ou’n konplete oubyen demande pour travay ankor sa menm teritwar. Sepandan, ou pa devret gard sa menm teritwar toultan avek ou, rann li pour lezot kapab servi. Si napa ase teritwar dan ou kongregasyon e ki i pa posib pour ganny en teritwar personnel, ou kapab demann zis en bout teritwar avek ou sirveyan letid liv.
5. Kwa ki neseser pour kapab akonpli nou misyon pour prese?
5 Nou misyon pour pres “partou dan lemonn” i pa en latas fasil. (Mat. 24:14) Se pour sa ki nou bezwen byen balanse. Anplis ki pres avek group, ler nou pres dan en teritwar personnel sa i kapab ed nou zwenn otan dimoun pour tann sa bon nouvel.