Kwen Kestyon

◼ Eski kongregasyon i devret afis en map konplet pour teritwar dan Lasal Rwayonm?

Wi, en map konplet pour teritwar i devret ganny ankadre e afise lo en miray dan Lasal Rwayonm. Sa map pa devret ganny plase lo bord lenformasyon. I bezwen montre frontyer konplet teritwar sa kongregasyon ek frontyer sak teritwar endividyel, ansanm avek zot nimero dezinyen. Frontyer teritwar tou kongregasyon ki pe servi menm Lasal Rwayonm i devret ganny endike. Sa pou ed bann proklanmater ek bann nouvo pour determinen dan teritwar ki kongregasyon zot reste. Montre bann landrwa lo map kot bann Letid Liv Kongregasyon i deroule, pou osi ed tou dimoun pour vwar ki letid liv ki zot devret asiste. Sa map i devret ganny garde azour.

Kan sa map i afise, i servi konman en rapel pour tou proklanmater ki i ti a byen, si posib, ki zot annan en teritwar personnel pour travay ladan. Sa map i itil pour bann ki anvi swazir en teritwar ki pros avek zot lakour. Parfwa, i kapab ekonomiz letan dan bann renyon predikasyon, i ed sa kondikter diriz sak group proklanmater vitman dan sa rezyon ki zot pou travay.

Sa map i osi donn levidans ki kongregasyon i ganny organize pour pres mesaz Rwayonm partou dan son teritwar dezinyen.—Lik 9:6.