Kwen kestyon

◼ Ki ou devret fer si ou ganny demande pour aret prese?

I annan serten ka kot lapolis in apros bann proklanmater ki ti pe rann temwannyaz pour enform zot ki zot ti pe vyol lalwa e dir zot aret prese. Si ou ganny demande pour fer sa, ou devret deswit aret prese e byen zantiman kit sa teritwar. (Mat. 5:41; Fili. 4:5) Pa esey rezourd sa problenm lo ou menm par antre dan en diskisyon konsernan nou drwa legal. Si i posib, avek bokou prekosyon pran okenn lenformasyon ki ou kapab gannyen lo sa zofisye. Deswit apre sa enform bann ansyen. Bann ansyen pou kontakte biro brans pour met zot okouran konsernan sa lensidan. Pareyman, si gard sekirite en batiman i demann ou pour kit sa apartman oubyen landrwa kot ou pe prese ou devret fer sa ki i demann ou pour fer e enform bann ansyen. Si nou reazir dan en fason dous e avek limilite kan nou trouv nou dan sityasyon kot nou bezwen fer fas avek bann ki annan lotorite, sa i kapab evit bann difikilte ki pa neseser.— Prov. 15:1; Rom. 12:18.