Pa tarde pour Vizit zot

Lekel ki nou devret pa tarde pour vizite? Bann dimoun ki demann piblikasyon ouswa magazin tou le mwan oubyen ki ti a kontan en Temwen i vizit zot kot zot. Kote sa bann demann i sorti? Kot bann dimoun ki kontakte biro brans par let, par telefonn oubyen par mwayen nou sit Internet ofisyel. Ler en tel lentere i ganny demontre, biro brans i enform sa kongregasyon konsernen par mwayen sa form S-70, en pti fey papye avek tit “Please Arrange for a Qualified Publisher to Call on This Person.” Ler bann ansyen i resevwar en form S-70, zot devret donn li imedyatman avek en proklanmater ki pou fer bokou zefor pour ed sa dimoun ki’n montre lentere. Si sa proklanmater i ganny difikilte pour trouv sa dimoun kot li, i kapab esey kontakte li par telefonn ouswa kit en not avek bokou prekosyon. Si ou ganny demande pour fer en tel vizit, silvouple fer tou ou zefor pour kontakte sa dimoun enterese toudswit.