Kwen kestyon

◼ Eski nou kapab fer lapriyer kan nou pe fer en letid devan laport?

I annan plizyer byenfe pour konmans e fini en letid Labib avek lapriyer. Atraver lapriyer nou demann Zeova son lespri sen pour ed nou lo sa diskisyon ki nou pou fer avek sa dimoun. (Lik 11:13) Lapriyer pou osi montre sa etidyan Labib ki mannyer i pour fer son prop lapriyer e ki son letid i serye. (Lik 6:40) Alor, i byen pour konmans fer lapriyer avek en etidyan Labib osito posib. Me vi ki sirkonstans i varye, nou pou bezwen servi nou disernman pour konnen si nou pou fer lapriyer kan nou pe fer en letid Labib devan laport.

En keksoz enportan ki nou bezwen reflesir lo la se sa zalantour kot letid i ganny fer. Si nou pa tro dan gete, nou kapab fer en lapriyer kourt avan e apre en letid Labib ki regilye. Me, si nou santi ki sa pou atir en latansyon ki pa neseser lo nou oubyen i pou fer nou etidyan Labib anbarase, i pou pli byen si nou espere ziska ki nou kapab fer letid dan en landrwa kot i en pe pli prive. Dan nenport ki ka, nou bezwen servi bon zizman avan ki nou konmans fer lapriyer avek en etidyan Labib.​—Vwar Nou Minister Rwayonm Mars 2005 paz 4.