Kwen kestyon

◼ Kan ki nou devret kit piblikasyon avek en dimoun?

Sa keksoz pli enportan ki nou devret desifre se lentere sa dimoun. Si sa dimoun i demontre en lentere senser, nou kapab kit swa de magazin avek li, en brosir, en liv ouswa nenport ki piblikasyon ki nou pe ofer. Nou fer sa menm si sa dimoun napa bokou oubyen ditou larzan pour kontribye anver sa travay mondyal. (Zob 34:19; Rev. 22:17) Me de lot kote, nou pa pou kit nou bann piblikasyon avek bann ki pa pou apresye son vre valer.​—Mat. 7:6.

Ki mannyer ou pou konnen si sa dimoun i enterese? Ou pou remarke ki i anvi pran par dan sa konversasyon ki ou pe fer avek li. Bann siny ki pou endik sa se ki i pou port latansyon kan ou koze, reponn kan ou demann li kestyon e dir ou kwa ki i panse. Si i swiv letan ou pe lir dan Labib, sa i pou montre ki i annan en serten respe pour Parol Bondye. I osi bon demann sa dimoun si i pou lir sa piblikasyon. Bann proklanmater i devre servi bon zizman pour konnen si en dimoun i enterese. Kan nou pe fer temwannyaz lo semen par egzanp, i pa pou apropriye pour donn magazin, brosir oubyen liv avek nenport ki dimoun ki pase. Si nou pa asire si sa dimoun i annan en lentere senser, plito donn li en trak oubyen en lenvitasyon letid Labib ek renyon.

En proklanmater i devret pran lakantite piblikasyon ki i pou bezwen dan predikasyon, pa dapre lakantite larzan ki i kapab kontribye. Kontribisyon ki ganny fer i pa pour pey pour sa bann piblikasyon me pour siport tou bann aktivite ki relye avek predikasyon ki ganny fer dan lemonn antye. Nou lapresyasyon i devret pous nou pour donn avek zenerozite pour siport lentere Rwayonm. Sa i pli enportan ki nou sityasyon finansyel. (Mark 12:41-44; 2 Kor. 9:7) Sa pou osi pous nou pour pran selman bann piblikasyon ki nou pou bezwen e an konsekans nou pa pou gaspiy sa larzan ki’n ganny kontribye.

[Portre lo paz 2]

En proklanmater i bezwen servi bon zizman pour konnen si sa dimoun i enterese