Servi byen nou bann Piblikasyon
1, 2. Ki santiman bokou dimoun i annan lo nou bann piblikasyon, e ki kestyon sa i fer demande?
1 “Mon pe lir zot bann piblikasyon depi 1965. Mon get dan Labib ler mon pe lir, e tou sa ki dan zot piblikasyon i baze lo Labib. Mon’n toultan anvi konn laverite konsernan Bondye ek Zezi, e mon kapab dir fransman ki mon pe vwar vre larepons atraver lenformasyon ki zot donnen dan zot bann liv e dan Labib.” Sa i sa ki en zonm ti ekrir dan en let pour biro prensipal Temwen Zeova. Dan sa menm let, i ti demann en letid Labib.
2 Parey sa zonm rekonesan, plizyer milyon dimoun atraver lemonn i apresye bann piblikasyon fourni par “lesklav fidel e pridan.” (Mat. 24:45, NW) Tou le zan, en gran kantite piblikasyon i ganny prodwir pour ed bann dimoun ki annan leker senser “ganny konnesans laverite.” (1 Tim. 2:4) Ki mannyer nou kapab servi byen nou bann piblikasyon?
3. Ki mannyer nou kapab evite gaspiy piblikasyon?
3 Evit Gaspiyaz: Pour en bon pe letan nou’n kapab akimil en kantite piblikasyon kot nou ki nou ti sipoze servi. Ki nou kapab fer pour evite gaspiy nou bann piblikasyon ki annan valer? Nou bezwen byen mazinen avan nou pran piblikasyon pour servi dan predikasyon. Olye pran plizyer kopi en piblikasyon ki nou pou ofer, nou kapab pran zis enn oubyen de kopi e retournen pour rod plis apre ki nou’n plas zot. I pou anpes en gran kantite piblikasyon akimile kot nou. Pareyman, si nou annan en kantite magazin ki pa ankor ganny plase, i pou byen si nou redwir lakantite ki nou rekomande.
4. Kwa ki kapab ganny fer si en kongregasyon i annan en gran stok piblikasyon?
4 Stok Piblikasyon: Si kongregasyon i annan en gran stok piblikasyon, sa frer ki okip piblikasyon i kapab tyek avek lezot kongregasyon pour vwar si zot kapab servi sa bann piblikasyon sirplis. Bann proklanmater i kapab donn sa bann piblikasyon avek zot fanmiy ki pa Temwen, bann etidyan Labib, ek lezot dimoun. Bann ki’n fek konmans asosye avek kongregasyon ti pou kontan ganny sa bann piblikasyon dan zot prop bibliotek.
5. Ki mannyer nou kapab montre lapresyasyon pour bann piblikasyon?
5 Nou anvi nou bann piblikasyon i atenn son vre bi, setadir pour ed bann dimoun senser konn plis lo plan merveye Zeova. Zis parey Zezi pa ti gaspiy manze ki ti reste apre ki i ti’n nouri lafoul dan en fason mirakile, nou lobzektif i devret pour servi byen bann piblikasyon ki’n ganny fourni e ki annan valer. (Zan 6:11-13) Sa mesaz ki sov lavi dan nou piblikasyon, pa kapab tous leker bann dimoun ki annan leker drwat si zot reste lo letazer oubyen dan nou sak. Alors nou devret rezonnab ler nou pe pran piblikasyon pour predikasyon e servi li byen pour benefisye lezot.—Fili. 4:5.