En bon fason pour apresye kantik

Bann serviter Bondye i vwar lanmizik konman en zoli kado ki sorti kot Zeova. (Zak 1:17) I annan bokou kongregasyon ki kontan zwe kantik dousman avan ek apre zot renyon. Bann lanmizik teokratik i akeyan e fer nou santi byen. I ed nou pour met nou lespri pare pour ador Zeova. An plis ki sa, kan nou tann lanmizik nou bann nouvo kantik, nou pou vin pli familye avek zot e nou pou sant zot pli byen. Kan sa bann kantik i ganny zwe apre en renyon, sa i gard en bon latmosfer kot nou kapab pas en bon moman dan en bon konpanni. Alors, sak konsey ansyen i devret fer laranzman pour ki Sing to Jehovah​—Piano Accompaniment i ganny zwe avan ek apre renyon. Zot devret fer sir ki i zwe lo en volim ki rezonnab kot nou kapab fer en konversasyon avek lezot.