Annou pridan dan predikasyon
1. Akoz i enportan pour nou pridan dan predikasyon?
1 ‘Parey mouton parmi lelou,’ bann serviter Bondye pe pres parmi “sa zenerasyon koronpi e visye.” (Mat. 10:16; Fili. 2:15) Nou souvan tann nouvel konsernan lager sivil, vyolans ek kidnaping e sa i montre ki bann move dimoun pe fer plis “progre dan sa ki mal.” (2 Tim. 3:13) Ki prensip Labib ki pou ed nou “pridan” dan predikasyon?—Mat. 10:16.
2. Kwa ki kapab fer li neseser pour ou kit teritwar e al pres dan en lot landrwa?
2 Pridans: Proverb 22:3 i met lanfaz lo lenportans pour “kasyet” ler nou vwar maler. Reste vizilan! Sityasyon dan en landrwa ki normalman pa danzere i kapab sanz en sel kou. Ou kapab vwar en kantite gard oubyen lafoul lo semen. Parler en dimoun zantiy dan zanmirant i kapab averti nou. Olye kontinyen reste la akoz ou anvi vey zaksyon, i pli pridan si ou kit landrwa deswit e kontinyen pres en lot bor.—Prov. 17:14; Zan 8:59; 1 Tesa. 4:11.
3. Ki mannyer sa prensip dan Eklezyast 4:9 i aplikab dan predikasyon?
3 Travay ansanm: Eklezyast 4:9 i dir: “De i pli bon ki enn.” Petet ou’n abitye travay ou tousel dan predikasyon e i ti kapab napa danze, me eski i saz pour fer li konmela? Dan serten landrwa i pa danzere pour fer li. Me dan lezot landrwa, i pa en bon nide pour en ser oubyen en zenn travay li tousel dan predikasyon portanport, sirtou ler fernwanr pe fer. Malgre nou zefor pour evit bann sityasyon danzere, leksperyans i montre ki i pli bon annan en dimoun ki alert avek nou. (Ekle. 4:10, 12) Vey lezot dimoun ki dan ou group predikasyon. Fer li en labitid pour les lezot konnen ler ou pe ale.
4. Ki mannyer nou kapab fer sir ki tou dimoun i sen e sof dan kongregasyon?
4 Bann ansyen i responsab pour donn bann gidans pratik dapre sirkonstans lokal vi ki zot ki ‘pe kontinyelman vey lo nou.’ (Ebr. 13:17) Nou kapab asire ki Zeova pou beni nou ler nou toultan pare pour aksepte e korpere avek bann ansyen. (Mik. 6:8; 1 Kor. 10:12) Konman serviter Bondye, annou kontribye pour rann plennman temwannyaz dan nou teritwar, me toultan fer li avek pridans.