Douz rezon akoz nou prese

Akoz nou prese e ansenny sa bon nouvel? Eski rezon prensipal se pour ed bann dimoun senser mars lo semen lavi? (Mat. 7:14) Sa i sa premye rezon lo lalis, me i pa nou rezon prensipal. Lekel parmi sa 12 rezon ki nou annan pour prese ki ou krwar i pli enportan? Nou prese akoz:

1. I ede pour sov lavi.​—Zan 17:2, 3.

2. I averti bann move dimoun.​—Ezek. 3:18, 19.

3. I akonpli en profesi Labib.​—Mat. 24:14.

4. I demontre ladrwatir Bondye. Personn pa pou kapab dir ki Zeova in detrir bann move dimoun san donn zot en loportinite pour repantir.​—Akt 17:30, 31; 1 Tim. 2:3, 4.

5. I permet nou akonplir nou devwar pour ed dimoun spirityelman, ki’n ganny aste avek disan Zezi.​—Rom. 1:14, 15.

6. I fer nou pa responsab disan personn.​—Akt 20:26, 27.

7. I neseser pour ki nou menm nou, nou ganny sove.​—Ezek. 3:19; Rom. 10:9, 10.

8. I montre ki nou kontan nou prosen.​—Mat. 22:39.

9. I demontre lobeisans anver Zeova ek son Garson.​—Mat. 28:19, 20.

10. I form parti nou ladorasyon.​—Ebr. 13:15.

11. I demontre nou lanmour pour Bondye.​—1 Zan 5:3.

12. I ede pour ki non Zeova i ganny sanktifye.​—Iza. 43:10-12; Mat. 6:9.

Byensir, i annan lezot rezon akoz nou partisip dan predikasyon. Par egzanp, predikasyon i ranforsi nou lafwa e nou annan sa privilez pour travay ansanm avek Bondye. (1 Kor. 3:9) Me, rezon prensipal ki nou prese i nimero 12. Ki swa dimoun i ekout nou oubyen non, sa travay predikasyon i ede pour ki non Bondye i ganny sanktifye e Zeova i kapab reponn sa enn ki pe provok li. (Prov. 27:11) Vreman, nou annan bann bon rezon pour “kontinyen prese e . . . anons” sa bon nouvel.​—Akt 5:42.