“Mon pou pran ou piblikasyon si ou pran sa ki pour mwan”

Sanmenm ki serten met lakour i dir nou. Lefet ki nou pa fer lesanz nou piblikasyon avek piblikasyon relizye ki propaz lerer, ki mannyer nou kapab servi bon zizman pour reponn? (Rom. 1:25) Nou kapab dir: “Mersi pour ofer mwan sa liv. Me, eski i koz lo solisyon problenm bann imen? [Les sa dimoun reponn. Si i demann ou pour lir son liv pour trouv larepons, ou kapab rapel li ki ou pa ti ofer li ou piblikasyon san dir lo kwa i baze. Apre lir oubyen sit Matye 6:9, 10.] Zezi ti dir ki zis Rwayonm Bondye ki pou akonpli lavolonte Bondye lo later. Alor, sel piblikasyon relizye ki mon lir se bann ki met lanfaz lo Rwayonm Bondye. Eski mon kapab montre ou serten keksoz dan Labib ki Rwayonm Bondye pou akonpli?”