Eski ou kapab envit zot?

Dan plizyer kongregasyon i annan bann proklanmater ki pa kapab fer bokou letan dan predikasyon akoz problenm lasante kronik oubyen akoz lavyeyes. (2 Kor. 4:16) Eski ou kapab envit enn ki dan sa sirkonstans pour akonpanny ou dan ou letid Labib? Si sa proklanmater pa kapab kit son lakour, petet ou kapab anmenn ou letid kot li pour etidye. Eski ou kapab fer laranzman pour anmenn en proklanmater ki annan dezabilite avek ou pour fer detrwa lakaz kan pe pres port an port ouswa lo enn oubyen de retourn vizit? Bokou proklanmater aze i annan bokou leksperyans dan predikasyon. Alor, ou bann zefor pa pou ankouraz zis zot, me i pou benefisye ou osi. (Rom. 1:12) An plis ki sa, ou zefor pour demontre lanmour dan sa fason pou ganny rekonpanse par Zeova.​—Prov. 19:17; 1 Zan 3:17, 18.