Prezantasyon

Pour konmans letid Labib premye Sanmdi mwan Mars

“Nou pe fer en pti vizit akoz en levennman ki pou arive le 14 Avril. Sa i komemorasyon lanmor Zezi. Serten dimoun pou komemor sa levennman akoz zot santi ki son lanmor ti vreman enportan. Lezot pa asire ki lanmor Zezi i vedir. Eski ou krwar ki ou ek mwan nou kapab benefisye avek lanmor Zezi?” Les sa dimoun reponn. Montre li sa lartik lo dernyen paz Latour Veyer le 1 Mars an Angle. Vwar lenformasyon dan premye paragraf e lir en verse Labib. Ofer bann magazin e fer laranzman pour retournen pour diskit sa lot kestyon ki swiv.

The Watchtower 1 Mars

“Bokou dimoun i demande akoz Bondye pa met en lafen avek lenzistis ek soufrans ki annan dan lemonn. Eski ou krwar ki i akoz Bondye pa enterese ouswa akoz i santi ki i byen ki bann imen pe soufer? [Les sa dimoun reponn. Apre lir Zan 3:16.] Menm si bokou i servi sa verse pour montre ki Bondye i enterese, zot pa asire konman ki lanmor garson Bondye i vreman benefisye zot. Sa magazin i eksplike ki mannyer lanmor Zezi i fer li posib pour lenzistis ek soufrans fini lo later.”

Awake! Mars

“Nou pe fer en pti vizit pour esey eklersi en verse Labib ki bokou dimoun i pa byen konpran. [Lir Zenez 1:1.] Serten i krwar ki liniver in ganny kree, me lezot pa krwar. Me ou ki ou panse? [Les sa dimoun reponn.] Bokou i vwar li difisil pour krwar dan kreasyon akoz bokou sef relizye in ansenny sa ki Labib pa vreman dir. Sa magazin i donn bann leksplikasyon lo ki mannyer liniver in konmanse dan en fason lozik e diny konfyans.”