Prezantasyon

Pour kanpanny lenvitasyon Memoryal

“Nou pe distribye sa lenvitasyon pour en levennman ki vreman enportan. Le 3 Avril, plizyer milyon dimoun pou zwenn ansanm pour komemor lanmor Zezi e ekout en diskour gratwit lo ki mannyer son lanmor i kapab benefisye nou. Lo sa lenvitasyon i annan ler ek landrwa kot sa renyon pou ganny fer dan ou zanmirant.”

Latour Veyer Mars-Avril

“Ozordi nou pe donn tou dimoun dan ou zanmirant en kopi sa trak. I eksplik valer pratik Labib. Sa i ou kopi personnel. [Donn sa met lakour sa trak Ki ou pwennvi lo Labib?] Serten dimoun i demann zot lekor si dan Labib i annan bann konsey pratik ki kapab ed zot dan zot travay. Remarke ki sa verse i dir konsernan travay. [Lir Eklezyast 3:13.] Sa magazin i fer resorti serten prensip Labib ki kapab ed nou trouv lazwa dan nou travay. Eski ou ti a kontan gannyen pour lir?”

The Watchtower 1 Mars

“Le 3 Avril i komemorasyon lanmor Zezi Kri. Serten dimoun dan nou zanmirant pou zwenn ansanm sa zour pour komemor sa lokazyon, me i annan lezot ki pa asire ki lanmor Zezi i enportan. Ki ou pwennvi? Eski ou krwar ki nou kapab benefisye atraver lanmor Zezi? [Les sa dimoun reponn.] Remarke ki Parol Bondye i dir konsernan sa. [Lir 1 Korentyen 15:22, 26.] Sa magazin i diskit lo en benefis dan lavenir ki sakrifis ranson Zezi pou anmennen, kot en zour personn lo later pa pou bezwen mor.”

Awake! Mars

“Nou pe fer en pti vizit dan ou vwazinaz pour koz lo sa nouvo nimero Awake! [Montre kouvertir.] Tou dimoun i annan zot prop pwennvi lo sa kestyon: ‘Eski i annan en Bondye?’ Dapre ou, lekel ki annan en pwennvi pli pozitif lo lavenir, bann ki krwar dan Bondye ouswa bann ki pa krwar? [Les sa dimoun reponn.] La en promes ki sorti kot Bondye ki donn bokou dimoun lespwar. [Lir Psonm 37:10, 11.] Sa magazin i donn kat rezon akoz nou bezwen rode si Bondye i vreman egziste.”