Prezantasyon

Pour kanpanny lenvitasyon Memoryal

“Nou pe distribye lenvitasyon pour en levennman ki vreman enportan. Le 14 Avril, plizyer milyon dimoun partou dan lemonn pou zwenn ansanm pour komemor lanmor Zezi Kri e pour ekout en diskour lo ki mannyer son lanmor in benefisye nou. Lo sa lenvitasyon i annan ler ek landrwa kot nou pou zwenn.”

The Watchtower 1 Avril

“Nou pe fer en pti vizit pour diskit lo en keksoz ki bokou dimoun i annan an komen. Nenport ki larelizyon zot ladan, laplipar dimoun in deza priye en zour. Eski ou krwar ki Bondye i reponn lapriyer oubyen lapriyer i zis en fason pour fer nou santi nou pli byen konsernan nou problenm? [Les sa dimoun reponn.] Remarke sa ki Labib i dir konsernan lapriyer. [Lir 1 Zan 5:14.] Sa magazin i montre ki mannyer nou kapab benefisye atraver lapriyer.”

Latour Veyer Mars–Avril

“Nou pe vizit bann dimoun pour koz konsernan en keksoz ki pe afekte nou tou, sa se lanmor en dimoun ki nou kontan. Eski ou pou dakor avek mwan ki perdi en bon zanmi oubyen en fanmir pros i en keksoz pli difisil pour fer fas avek? [Les sa dimoun reponn.] Bokou in trouv rekonfor avek sa verse. [Lir Izai 25:8.] Sa magazin i diskit lo en promes ankourazan ki dan Labib kot pou annan en lafen avek lanmor e rezireksyon bann ki nou kontan.”

Awake! Avril

“Nou pe vizit bann dimoun pour donn led pour en problenm ki pe deplizanpli ogmante. Bokou dimoun i santi zot nepli kapab siport zot problenm ki zot komet swisid. Kan en dimoun i dezespere koumsa, eski ou krwar ki i vreman anvi mor oubyen i zis anvi en soulazman avek son problenm? [Les sa dimoun reponn.] La en verse Labib ki’n ed bokou dimoun pour gard en pwennvi pozitif. [Lir Revelasyon 21:3, 4.] Sa magazin i donn trwa bon rezon ki pou ed en dimoun kontinyen viv malgre son bann problenm.”