“Mon pa’n reisi zwenn li ankor kot li!”

Eski ou’n deza dir sa lo en dimoun ki’n montre lentere? Menm si plizyer fwa ou’n esey vizit sa dimoun, ou pa kapab aroz sa lagrenn laverite ki ou’n plante. (1 Kor. 3:6) Parfwa, bann proklanmater eksperyanse i ekri en let pour sa dimoun ki zot pa’n reisi zwenn oubyen zot kit en pti not anba son laport. Serten proklanmater i prepar zot davans an ka zot pa zwenn sa dimoun ankor, alor zot demann sa dimoun son nimero telefonn e petet demann li, “Eski ou kapab anvoy mesaz par telefonn?” En retourn vizit i kapab ganny konte ler nou vizit sa dimoun oubyen pres avek li par let, imel, mesaz lo telefonn, en pti not anba laport oubyen telefonn li. Menm si i pa toultan kot li, i posib pour nou pourswiv son lentere.