Eski ou pe prepare pour Memoryal?
I ti le 13 Nizan lannen 33 N.L. Zezi ti konnen ki i ti annan zis en dernyen sware pour pas avek son bann disip pros avan ki i ti ganny touye. I ti pou selebre son dernyen Lapak avek zot e apre sa entrodwir en nouvo selebrasyon, sa se Repa Senyer. En tel lokazyon enportan i merit annan en bon preparasyon. Alor, i ti anvoy Pyer ek Zan pour met tou keksoz pare. (Lik 22:7-13) Depi sa letan, sak lannen i enportan ki bann Kretyen ki kontan pour obzerv Memoryal i prepar byen sa levennman. (Lik 22:19) Ki bann keksoz enportan nou merit fer pour prepar pour sa prosen Memoryal le 3 Avril?
Preparasyon par bann proklanmater:
Fer laranzman pour partisip plennman dan kanpanny pour Memoryal.
Fer en lalis bann etidyan Labib, fanmir, kanmarad lekol, koleg travay ek lezot e envit zot.
Lir e medit lo bann verse Labib pour Memoryal.
Vin Memoryal a ler pour ki nou kapab akey bann viziter.