Prepar ou pour Memoryal avek en leker ranpli avek lazwa
1. Sezon Memoryal i en moman spesyal pour fer kwa?
1 Mardi le 26 Mars, Memoryal pou donn nou en bon loportinite pour nou dan lazwa akoz sa ki Bondye in fer pour sov nou. (Iza. 61:10) Menm avan Memoryal, si nou zwaye sa pou ed nou pli byen prepare. Ki mannyer nou kapab prepar nou pour sa levennman avek lazwa?
2. Kwa ki motiv nou pour fer preparasyon pour Memoryal?
2 Preparasyon pour Memoryal: Repa Senyer i en seremoni senp me vreman enportan. Me, i demann planifye davans pour ki bann detay enportan pa ganny oubliye. (Prov. 21:5) En ler ek landrwa konvenab i devret ganny swazir. Nou bezwen lanblenm apropriye. Landrwa kot pou fer Memoryal i devret prop e pare pour sa levennman. Sa orater i devret byen prepare e bann ki dan servis lakey ek bann ki pou pas lanblenm i bezwen byen organize. San dout, laplipar sa bann keksoz in fini ganny organize. Nou lapresyasyon pour sa ranson i motiv nou pour prepar byen pour sa levennman sakre.—1 Pyer 1:8, 9.
3. Ki mannyer nou kapab prepar nou leker pour Repa Senyer?
3 Prepar nou leker: I enportan ki nou prepar nou leker pour apresye lenportans Memoryal pli plennman. (Ezra 7:10) Pour fer sa, nou devret met letan dekote pour fer lektir Labib pour Memoryal e apre medit lo bann dernyen zour lavi Zezi lo later. Ler nou medit lo leta lespri sakrifis Zezi, sa pou motiv nou pour imit li.—Gal. 2:20.
4. Ki benefis sa ranson ki donn ou plis lazwa?
4 Lanmor Zezi i zistifye souvrennte Zeova. I liber nou avek pese ek lanmor. (1 Zan 2:2) I fer li posib pour annan en relasyon anpe avek Bondye e ganny lavi eternel. (Kol. 1:21, 22) I osi ranforsi nou determinasyon pour viv annakor avek nou dedikasyon avek Zeova e reste ferm konman bann disip Kris. (Mat. 16:24) Anmezir ou prepar ou pour Memoryal, nou espere ki ou lazwa i kontinyen ogmante!