Eski ou pe prepare pour Memoryal?

Dernyen Lapak ki Zezi ti fer ti pou vreman enportan. Vi ki Zezi ti pe al mor, i ti deside pour manz repa Lapak avek son bann zapot e entrodwi Repa Senyer ki ti pou ganny selebre tou le lannen. Alor i ti anvoy Pyer ek Zan pour prepar lasanm. (Li 22:7-13; vwar portre lo kouvertir.) Sa i fer nou rapel, ki nou osi nou bezwen prepare pour Memoryal le 27 Mars. Kongregasyon in deza fer laranzman pour en orater, lanblenm ek lezot laranzman. Me ki nou kapab fer pour met nou pare pour Memoryal?

Prepar ou leker. Lir e medit lo lektir Labib pour Memoryal. Ou kapab vwar en progranm dan sa pti liv Egzamin Labib sak zour. Dan Appendix B12 dan sa versyon revize New World Translation of the Holy Scriptures i annan en progranm pli detaye. (Vwar osi Kaye renyon minister ek lavi pour Avril 2020.) Pandan zot ladorasyon fanmir, bann fanmir i kapab rod lenformasyon konsernan ranson dan Watch Tower Publications Index oubyen Liv resers pour Temwen Zeova.

Envit lezot pour asiste Memoryal. Partisip plennman dan sa kanpanny pour donn lenvitasyon. Mazinen lekel ki ou kapab envite, tel parey ou retourn vizit, en etidyan ki ti etidye Labib dan lepase, en dimoun ki ou konnen oubyen en manm fanmir. Bann ansyen i bezwen fer sir ki zot envit bann inaktif. Rapel ki si sa dimoun pa reste dan ou rezyon, ou kapab rode kote e ki ler Memoryal pou ganny fer kot sa dimoun i reste. Al lo jw.org, anba KONSERNAN NOU ki anler lo paz lakey, apre swazir “Memoryal.”

Ki nou kapab fer ankor pour prepare pour Memoryal?