VIV KONMAN EN KRETYEN

Demontre lapolites ler nou devan laport dimoun

Pandan ki zot ti devan laport en dimoun dan predikasyon, en frer pe get par lafnet sa met lakour, en lot frer pe manz en biskwi e ankor en lot frer pe anvoy en mesaz lo telefonn

Bann Kretyen i “en spektak pour lemonn.” (1Ko 4:9) Alor, i pa devret sirprann nou ki serten dimoun i get nou par lafnet oubyen ekout nou konversasyon deryer laport. Zot lakaz i menm kapab annan en kamera avek mikrofonn ki permet zot obzerv, ekout e rikord nou. Annou vwar serten fason nou kapab demontre lapolites ler nou devan laport dimoun.—2Ko 6:3.

PAR NOU KONPORTMAN (Fil 1:27):

Demontre respe pour sa met lakour e pa get par lafnet. Pa bezwen manze, bwar, koze oubyen anvoy mesaz lo telefonn letan ou pe debout devan laport en dimoun

PAR NOU PAROL (Efe 4:29):

Letan nou devan laport en dimoun, pa bezwen dir okenn keksoz ki ou pa ti a kontan sa met lakour i tande. Serten proklanmater in prefere aret konversasyon ki zot ti pe fer pour zot kapab mazin davans sa ki zot pe al dir sa met lakour

De frer pe debout trankilman devan laport en met lakour dan predikasyon anmezir ki sa met lakour i get dan trou

PAR NOU KONPORTMAN (Fil 1:27):

PAR NOU PAROL (Efe 4:29):

Ki lezot fason ou kapab demontre lapolites ler ou devan laport dimoun?