Amelyor nou abilite pour prese—Konmans en letid Labib devan laport par servi sa brosir Bon nouvel sorti kot Bondye!
Akoz i enportan: Pour arive fer disip, nou bezwen vin bann ansenyan Parol Bondye. (Mat. 28:19, 20) Nou tou nou kapab ansenny laverite dan en fason efikas par servi bann piblikasyon ki I’n donn nou. Sa brosir Bon nouvel sorti kot Bondye! in ganny fer pour ed nou ansenny laverite avek lezot. Anfet, nou kapab servi li pour konmans en letid Labib lo premye vizit avek en met lakour direkteman devan son laport.
Esey sa pandan sa mwan:
Demann Zeova dan lapriyer pour devlop sa dezir pour konmans e kondwir en letid Labib e osi pour ou vin en ansenyan efikas.—Fili. 2:13.
Pandan Ladorasyon Fanmir oubyen letid personnel, pran letan pour aprann par ker sa prezantasyon. Alor sa pou permet ou pour koz avek konviksyon e konmans en letid Labib devan laport ler ou dan predikasyon.